आफ्नो सुमधुर स्वरबाट हजारौँ गीत रेकर्ड गराई सकेकी लोकप्रिय गायिका ‘अन्जना गुरुङ’ ले आफ्नो नयाँ आउन लागेको एकल सांगीतिक एल्बम ‘मिठास-२’ को, (झिम झिम परेली मेरो) बोलको गीतको भिडियोमा आफ्नै छोरीलाई खेलाएकी छिन । भर्खरै सोह्र बर्षमा प्रवेश गर्न लागेको सुअवसरमा छोरी ‘अपेक्षा सिंह’ लाई खेलाएकी हुन् र उक्त गीतमा पिता, गायक तथा संगीतकार कन्हैया सिंहले संगीत गरेका छन् भने शब्द मनोज गुरुङको रहेको छ । उक्त गीतको म्युजिक भिडियोमा अपेक्षा सिंह, जयन्त रानाभाट र प्रशान्त श्रेष्ठ खेलेका छन् भने उक्त गीतलाई म्युजिक भिडियो निर्देशन ओम कर्माचार्य (ओममेगा अडियो भिडियो न्युयोर्क) ले गरेका हुन् । गायिका अन्जना गुरुङको दर्जनौ लोकप्रिय गीतहरु; म त काली सुन्दरी, आँखैमा राख्छु मेरो देश, जस्ले मुटु चुडेर लग्यो, आँधी सरि तिम्रो माया, बदनाम भए म तिम्रै कारणले, छम्म छम्म नाचि देउ, मेरो दिलमा एटम बम फोडेर गयेउ लगायत नेपाली संगीत बजारमा यस अघि ब्यापक चर्चा बटुली सकेको छ । अन्जनाको नयाँ गीतको यो म्युजिक भिडियो उनकि छोरी अपेक्षाको यहि आउँदो नोवेम्बर २४ तारिखका दिन् ‘स्विट सिक्स्टिन पार्टि’ कार्यक्रमको दिन् पब्लिक गरिने कुराको जानकारी गायिका अन्जनाले नेप्लिज डायस्पोरालाई गराईन ।