मुक्तक -१ जनताले बुझ्नैपर्छ सितिमिति, कसैले गर्दैन उखेल्ने प्रयास एउटा कुरिती, कसैले गर्दैन गरेका हुन, धनसम्पत्ति मान-सम्मानको लागि हेर्नुस !जोगी हुनलाई राजनीति, कसैले गर्दैन । मुक्तक-२ गरियो कसैको दिल चोरी, हतार-हतारमा कसियो मायाको डोरी, हतार-हतारमा फेसबुके प्रेमीकालाई, बोलाएथेँ भेट्नलाई आइन् बोकेरै छोरा-छोरी, हतार-हतारमा । मुक्तक -३ सधैं पीछा गर्ने नकाबधारी, यही हो वकिल सा'ब गाउँका महिला व्यापारी, यही हो वकिल सा'ब चिच्याउँदै अदालतमा, मृतात्माले बयान भन्यो मेरो ज्यान लिने बलात्कारी, यही हो वकिल सा'ब । मुक्तक -४ सोचेर भन्दै छ यो मन, चिलाएको जस्तो छ देख्छु, आज भोलि झन, चिलाएको जस्तो छ सधैँ मलाई हेपिरहँदा, मेरो सीमाना चेपिरहँदा लाग्छ, छिमेकीको गर्धन, चिलाएको जस्तो छ । मुक्तक -५ अरे एउटै कुरा बारम्बार, भनी रहन्छिन् छिन्ने नै गरी मनको तार, भनी रहन्छिन् बुढेसकालमा बनाकी, प्रेमीकाले मलाई छौ कि छैनौ तिमी कुमार,भनी रहन्छिन् । अस्मित थापा, दोलखा । (अस्मित थापाका यी मुक्तकहरु साहित्यकार गोम बिक्रमले संकलन गर्नु भएको हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www।facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com/nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला ।-सम्पादक)