मुक्तक-१ जसरी नि ल्याउँछु त्यसको काल, आगो लगाएर खरानी बनोस् बरु आफ्नो पराल, आगो लगाएर लाटोले पनि ठूलो आवाजमा, यसरी बोल्न थाल्यो पखेटाबिनाको बनाउँछु 'अरिङ्गाल', आगो लगाएर । मुक्तक-२ यो दुनियाँलाई के दिन्छ, धुँवा बनेपछि ? आफूलाई के सम्झिन्छ, धुँवा बनेपछि ? मान्छेले, यो गर्छु त्यो गर्छु भन्दा भन्दैमा जीवनलीला पुरै सकिन्छ, धुँवा बनेपछि । मुक्तक-३ मान्दै मान्दैन यो सरकार, लाखौं जनताले भन्दा पनि माछो माछो भ्यागुतो भो, अपराधी खोज्ने धन्दा पनि बलात्कारीलाई फाँसी त के ? समाउन नि सक्या छैन कति कोपिला दनादन, निर्मला बन्दा पनि । मुक्तक-४ कहिले सताउँदै त कहिले, फकाउँदै हिंडाउँछ्न् अनि कपोलकल्पित सपना, बताउँदै हिडाउँछ्न् हात समाएर हिडाउँने, बा-आमा मात्रै हुन् यहाँ अरुले त आफ्नो वरिपरि, नचाउँदै हिंडाउँछ्न् । मुक्तक-५ कम्जोर हुन्छ जब विश्वासको बुटी, महिलाबाट अनि रित्तिन्छ सबै इमानको ढुकुटी, महिलाबाट पुरुषले महिलाको, शरीर मात्रै नङ्ग्याउन सक्ला पुरुषको पूरै जिन्दगी नाङ्गिन्छ एउटी, महिलाबाट । - अस्मित थापा मेलुङ गाउँपालिका-२, दोलखा । (अस्मित थापाका यी मुक्तकहरु साहित्यकार गोम बिक्रमले संकलन गर्नु भएको हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www।facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com/nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला ।-सम्पादक)