११, बैशाख २०७६
दिलको ढोका बन्द गर , नौलो मान्छे पस्ला फेरी ।
तिम्रै दिलको राजधानीमा, डेरा जमाई बस्ला फेरी ।
प्रकृति र पुरूषबिचको, सामिप्यता बढदै गर्दा,
फूल्न नपाई कोपिलामै, डालीबाटै खस्ला फेरी ।
समाजको चाल-चलन ,रीतिरिवाज चट्टै पारी,
फकाएर तिमीलाई नै, अँगालोमा कस्ला फेरी ।
मन चलाउने मनको चालक, अगतिलो पर्यो भने,
गन्तव्यमै पुग्न नपाई, बीच बाटोमै फस्ला फेरी ।
एउटा गल्ती जिन्दगीकै , अभिशाप हुनसक्छ,
त्यै गल्तीले जिन्दगीभर, मन मुटुमै डस्ला फेरी ।
- कृष्ण न्यौपाने
भरतपुर न. पा.- ९ बसन्तचोक, चितवन ।
( कृष्ण न्यौपानेको यो गजल साहित्यकार गोम बिक्रमले संकलन गर्नु भएको हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www।facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com/nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला ।-सम्पादक)
प्रकाशित मिति :बैशाख ११, २०७६ बुधवार -
२१:४५:३५ बजे
