मुक्तक -१ लगनगाँठो कसौं भन्दा, बजायौ उहिले दन्तहरु नौमती बाजा घन्काएर, ल्याउँला भन्थेँ जन्तहरु समयले कोल्टो फेर्दै गयो, विवशताले घेर्दै गयो शिशिरभन्दा उजाड देख्छु, अचेल तिम्रा वसन्तहरु । मुक्तक -२ आफ्नै मुहार हेरि-हेरि, बितायौ कति पलहरु पर्खिन्छ कहाँ जवानीले, बै‌सले गर्दा छलहरु सधै खुशी नि रहँदैन, कर्म आफ्नै हातमा छैन अधुरै होलान् सपनाहरु, आँखामा छाए बादलहरु । मुक्तक -३ बैसको फूल फूलेपछि, सुगन्धी-राग पोखिँदो रैछ दुनियाँलाई लोभ्याउने, रत्नसित जोखिँदो रैछ पारखीलाई श्रीखण्ड हो, नजान्नेलाई दुर्गन्ध हो बिटुलो भए त्यही बैश, चोख्याऊ जति नचोखिँदो रैछ । मुक्तक -४ हामी दुईको चोखो माया, पहिले भने नामी भयो नमूना थियो सारातिर, बखान सुन्दा दामी भयो तिम्रो बाटो फेरिएसी, स्वार्थको घुम्टोले बेरिएसी तिम्रो शहरमा माया पनि, जानाजानी लिलामी भयो । मुक्तक -५ विवशताले जता पनि, ठक्कर मात्र दिंदो रैछ चोखो मायामा मर्म पारी, मुटुमा बाण रोपिँदो रैछ सपना सुन्दर सजाए नि, मनमा आशा जगाए नि धनले गाँठो पारेपछि, जसको नि मन बदलिंदोरैछ । - गोम बिक्रम [email protected] कल्लाबारी, पाल्पा । २०७६ बैसाख १७ (-गोम बिक्रमका मुक्तकहरु साहित्यकार गोम बिक्रमले संकलन गर्नु भएको हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www।facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com/nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला। -सम्पादक )