मुक्तक -१ थाहै भएन समयले कोल्टे फेरेको पनि धेरै भइसकेछ अँगालोमा बेरेको पनि हिजो जस्तै लाग्छन् मलाई ती दिनहरु झ्यालबाट लुकेर तिमीलाई हेरेको पनि । मुक्तक -२ घरमा बा-आमाका आँखा रसाएका छ्न् परदेशी छोरो सम्झी मन थमाएका छ्न् कमाएर आउँछ छोरो भनी सोच्दै होलान् मलाई भने साहुले बन्धक बनाएका छ्न् । मुक्तक -३ देखाउनलाई एउटा अस्पताल बनायो दुइ दिनमै लथालिङ्ग चालफाल बनायो न डाक्टर न औषधी पठायो सरकारले दुर्गम गाउँमा बिरामीको बेहाल बनायो । मुक्तक -४ देशको लागि रगत बगाउन तयार छु यही माटोमा पसिना चुहाउन तयार छु तिमीहरू सजाऊ आफ्नो प्रेमीकालाई म त यो देश मुटुमा सजाउन तयार छु । मुक्तक -५ झुटो प्रेमको संसारमा रमाउनेहरु भन व्यर्थै सपनाको महल बनाउनेहरु भन एउटालाइ तड्पाएर कति खुशी हुन्छौं अर्कैको हातले सिउँदो रंगाउनेहरु भन । - ईश्वर कुँवर "साफे" अछाम हाल : धनगढी, कैलाली । (-ईश्वर कुँवर "साफे" का मुक्तकहरु साहित्यकार गोम बिक्रमले संकलन गर्नु भएको हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www।facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com/nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला। -सम्पादक )