१, जेठ २०७६
खै !! कसरी यो जिन्दगी, पार लगाउँछिन् ।
बोली खस्नै हुन्न वचनको, धार लगाउँछिन् ।
बाबा-आमा नाति-नातिना, भएन भन्नुहुन्छ,
श्रीमती पलङ्गमा सिरकको, बार लगाउँछिन् ।
आफ्नै ठानि अलिकति मायाको स्पर्श के गरे
बलत्कृत पो !! भएँ भन्दै, गुहार लगाउँछिन् ।
टेन्सनै टेन्सनबीच यसो दुई पेग के लगाएथेँ,
दुईको बदलामा उनी झन्, चार लगाउँछिन् ।
जसलाई मैले शंकाको, घेरामा राखेको थिएँ,
ऊ आउँदा भने उज्यालो,अनुहार लगाउँछिन् ।
भरतपुर न। पा। -९, वसन्तचोक,
चितवन
( - कृष्ण न्यौपानेको यो गजल गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www।facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com/nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला। -सम्पादक )
प्रकाशित मिति :जेठ १, २०७६ बुधवार -
२२:१४:४३ बजे
