मुक्तक -१ भोलि शत्रु बन्छन् यिनै मित्र भन्ने कुरा नबुझेर, पैसा देखेपछि फेरिन्छ चरित्र भन्ने कुरा नबुझेर भिमदत्त जस्ता वीर पुरुषले आफ्नो ज्यान गुमाए, देशद्रोहीकै रजाइँ छ देशभित्र, भन्ने कुरा नबुझेर । मुक्तक -२ बर्खा लागेर यतिबेला खेतबारीमा धेरै काम छ, पुस-माघमा भेट्न आउँला अहिले बढी घाम छ, हो छातीमा नाम लेखाएर, प्यासी अधर देखाएर, नजिक नआऊ सुन्दरी यो ज्यान.त्यसै बदनाम छ । मुक्तक -३ हो कहिले जीत हुन्छ कहिले हार हुन्छ, यो शृङ्खला मित्र यहाँ लगातार हुन्छ, जसले केही गर्छु भन्ने विश्वास राख्छ नि, त्यस्ता व्यक्तिको मात्र सपना साकार हुन्छ । मुक्तक -४ मेरा आफ्ना भोगाइ र अनुभवी बिचार दिनुछ, हरेक कदममा हौसला र असीम प्यार दिनुछ , धन सम्पत्ति मात्रै हैन आफ्ना सन्तानहरूलाई, आफ्नो अमूल्य समय र राम्रो संस्कार दिनुछ । मुक्तक -५ तिम्रो लागि घर परिवार त्याग्न सक्दिनँ हाम्रो घरको सुख शान्ति भाँड्न सक्दिनँ परिवारमा मिली बस्न राजी भए बिहे गरौँ , बुढेसकालमा बा-आमा एक्लै पार्न सक्दिनँ । फेदिखोला:३ गहतेरा स्याङ्जा । ( - एस.पी.असफलका यी मुक्तकहरु साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com।nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला। -सम्पादक)