असक्षम प्रहरमा पनि अात्मीयताकाे चरम सुखले सारा दु:ख पीडाहरू स्वत:विनियाेजन हुँदारहेछन्, अप्राप्य अाश पुन:टुसाई लतासरी लहराउने कल्पनामा उन्मादित शिरा धमनीहरू नसा नसामा सिञ्चितकाे अागमन मस्तिष्कले प्रत्याभूति गर्दाेरहेछ, अनुगमन परिबन्धनकाे याे मन उदास हुनु त परै जाअाेस् प्रफुल्लताकाे पंख फिजाई साैहार्दताकाे गाेरेटाेमा वायुपंखी विमानमा सवार भई मनन सुखद अनुभूति प्राप्ति खुशीका परिकल्पनामा विलय, अाउन त अाउँछन् जीवनमा अाँधीबेरी, टाेर्न्याडाे समेत प्रकृतिक प्रकाेप झैं अान्दाेलित हुन्छन् हृदय असह्य पीडा र वेदनाले अत्तालिन्छन् उत्कट चाहनाहरू मडारिन्छन् बादल झैं उद्देलित मन, कर्म र भाग्यकाे घम्साघम्सीकाे माेहीलाई माथेर प्राप्य नाैनी झैं जीवन सहज सुखद नाैनी अप्राप्य छ र नि निर्मल पवित्र पाैरख एक पटक मदानीमा घिसिनै पर्छ सक्दाे नाैनी सुखकाे अाशमा मेहनत ठेकीमा नृत्य गरिरहनुपर्छ, सफलता एक चिठ्ठासरी कर्म र भाग्यकाे मन्थनमा अमूल्य अमृत मिल्न पनि सक्छ हाे !कतिपयकाे जति घाेटिए पनि परिस्थिती अनुकुल हुँदैन भिन्नता अाकाश र जमीनकाे, अाफ्नै भाग्यलाई दाेषी ठानिन्छ सर्वहारी दुःखित मन कसैकाे सायद लेखेकै हुन्छ घाेट्टिई खानु पर्ने उचाल्नु पर्ने सदा घन, भाग्यमा छ भन्दैमा 'डाेकामा दूध दुहेर अट्दैन' लिएर अाएकाे भाग्य कर्ममा समायाेजन जरुरी कर्म नगरी फल्दैन स्वयम। - ललितपुर, भैंशेपाटी हाल : परदेश ( -शर्मिला श्रेष्ठको यो कविताहरु साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com।nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला। -सम्पादक )