मुक्तक -१ जब झरी पर्छ अनि, छाताको खोजी हुँदो रैछ पुस्तक जोगाइ राख्न, गाताको खोजी हुँदो रैछ आफू सुखी सप्पन्न हुँदा कोही चिन्दैन समाजले दु:ख परेपछि मात्र यहाँ, नाताको खोजी हुँदो रैछ मुक्तक -२ म रूदा हेरि बस्छन् बरू, कोही देखिन पिडामा साथ दिनेहरू, कोही देखिन स्वार्थी छ दुनियाँ अनि निर्दयी छन् सबै आमा-बा झैं दायालु अरू, कोही देखिन । मुक्तक -३ चुहिने छ घरको छानो टाल्नु पर्छ मैले रोगी छन् बा-आमा पनि पाल्नु पर्छ मैले गरिबीले हो घरमा चुलो बल्न छोडेको निभेको त्यो घरको चुलो बाल्नु पर्छ मैले । मुक्तक -४ कहिले चाँडैं अनि कहिले, ढिला बुझ्न सकिएन मलाई मात्र रुवाउने दैवको, लीला बुझ्न सकिएन सायद मेरो भाग्य मै खोट र त रून मात्र पर्छ सधै किन सधैभरि मेरै दिलमा, किला बुझ्न सकिएन । मुक्तक -५ चितामाथी मेरो सब, बलिरहँदा के गर्छौ र सानी अनि तिमी बस्ने दिल, जलिरहँदा के गर्छौ र सानी पोस्टमार्टम गर्दा यो मुटुभित्र तिम्रै तस्विर देखेपछि अनि अदालतमा मुद्दा, चलिरहँदा के गर्छौ र सानी बनेपा न. पा. -२, काभ्रे । ( - विजय घिमिरे 'विफल'को यो मुक्तक साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com।nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला। -सम्पादक )