१३, आषाढ २०७६
बाबाले अन्माउनुभयो, आगन पोलेर ।
आमा रूँदै होलिन् पिडीमा, मन पोलेर ।
प्रेमीलाई तन-मन जोवन, दिएर पनि,
आखिरमा अन्मिएँ उनैको, वचन पोलेर ।
तिमीले धोखेबाज़ ठान्यौ, होला प्रियतम,
तिम्रो बन्न सकिन आफ्ना, सज्जन पोलेर ।
सामाजिक उल्झनमा, यति जेलिएँ कि,
चाहेर पनि ऊम्कनै सकिन, बन्धन पोलेर।
न तिम्रो ️हुन सकेँ, न उनको हुन सकेँ,
बसेकी छु यहाँ आफ्नै मन, दनदन पोलेर ।
भरतपुर न. पा.- ९ वसन्तचोक, चितवन ।
(✍️ कृष्ण न्यौपानेको यो गजल साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www facebook।com/gom।bicram) मा सम्पर्क गर्नुहोला । नेप्लिज डायस्पोराको फेसबुक पेज https://www।facebook।com।nepalesediaspora/ लाइक गर्न र युट्युब च्यानल https://www।youtube।com/nepalesediaspora लाई सब्स्क्राइब पनि गर्नु होला। -सम्पादक )
प्रकाशित मिति :आषाढ १३, २०७६ शुक्रवार -
१८:३८:०८ बजे
