हरेक बिहान, लाग्छ घर-घरमै हटिया हरेक साँझ, लाग्छ पाइला-पाइलामै हटिया के छैन मेरो देशको हटियामा ? भेँडादेखि गोलभेडासम्म छ पित्तल, सुनदेखि नुनसम्म छ ऊनदेखि खुनसम्म छ सियोदेखि दियोसम्म छ के छैन मेरो देशको हटियामा ? सूर्य, तारा र जूनसम्म छ ! यी होइनन् आफ्नो बारीका उत्पादन यी त हुन् खोला पारिका उत्पादन देशको हाट भर्न आइपुगेका छन् मेरो देशमा तानिएकाछन् तिनकै स्वादमा अर्गानिक मनहरू जुन हेर्‍यो त्यही महंगो छ महंगो छ सुनभन्दा तरकारीको नून महंगो छ लसुनभन्दा ऊन महंगो छ ऊनभन्दा लसुन महंगो छ नुनभन्दा गणतन्त्रको कानुन के छैन मेरो देशको हटियामा ? सबैभन्दा सस्तो भएको छ मान्छेको गुन ! सबैभन्दा सस्तो भएको छ मान्छेको खुन !! के छैन मेरो देशको हटियामा ? झुण्ड्याएर नट फ(र) सेलको रंगीन साइनबोर्ड आफैंलाई राखेर एउटा रंगीन नाङ्लोमा बसेको छ बिक्रीमा मिसन र, यस्तो सोचिरहेछ यतिबेला- आज कति कमिशन मिल्छ होला !? यतिबेला भेटिरहेको छु म- बाँच्नुभन्दा मर्नुमा महान् अर्थ !! - तीनपाटन गाउँपालिका, सिन्धुली हाल: काठमाडौं मोबाइल: ९८५१०-८८२७० इमेल: [email protected] (-मिसन अधिकारीको कविता साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram)  मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)