कोटिहवा, (कोभिड १९) प्रजातिको एक भाइरसले अहिले विश्वलाइ नै आतंकित बनाइरहेको बेला "सेवा नै धर्म हो।" भन्ने हेतुले नेपाल स्वयंसेवक संघ जिल्ला कमिटी रुपन्देही र प्रचार-प्रसार समिति ५ नम्बर प्रदेशको संयुक्त योजनामा रुपन्देहीको कोटिहवामा रहेको श्री दुर्गा संस्कृत वेदवेदाङ्ग विद्यापीठका करिब ४५ जना विद्यार्थीहरुलाइ केही दिनको लागि खान पुग्ने रासन हस्तान्तरण गरेको छ । कार्यक्रममा जिल्ला कमिटि अध्यक्ष निता भण्डारी , प्रचार-प्रसार समिति प्रदेश नम्बर ५ को अध्यक्ष सुवास बेल्बासे , सोही पीठका प्राचार्य नारायण भट्टराई , शिक्षक गजल पाण्डे , समाजसेवी आयुषाको उपस्थितिमा अध्ययनरत बालबाकिलाई रासन हस्तान्तरण गरिएको थियो । यसो गर्दा तत्काल लकडाउन नखुले पनि हामी भोक भोकै दिन कटाउन पर्ने छैन भनी बालबालिकामा खुसी छाएको देखिन्थ्यो । नेपाल स्वयंसेवक संघ सदैव सत्कर्मको बाटोमा लाग्नेछ जिल्ला कमिटी रुपन्देही जस्तोसुकै परिस्थितिमा पनि मानव सेवामा लाग्ने र मानवीयताको उदाहरण दिने संस्थाकी अध्यक्ष भण्डारीले जानकारी गराउनु भयो। त्यस्तै विद्या पीठका प्राचार्य भट्टराईले पनि यस्तो बिषम परिस्थितिलाई बुझेर गरेको यो सहयोगको सदैव मूल्याङ्कन र संस्थाप्रति सधै साथ रहने जानकारी गराउनु भयो , जिल्ला कमिटि अध्यक्ष निता भण्डारी र कार्यक्रम संयोजक सुवास बेल्बासेको पहलमा सम्पन्न भएको थियो ।