काठमाडौं । जापान सरकारले नेपाली कांग्रेसका वरिष्ठ नेता रामचन्द्र पौडेललाई यस वर्षको ‘ग्राण्ड कार्डन अफ दि अर्डर अफ दि राईजिङ सन अवार्ड’ दिने निर्णय गरेको छ। एक विज्ञप्ति जारी गरी जापान सरकारले यो वर्षको उक्त अवार्ड पूर्व सभामुख समेत रहेका पौडेललाई दिने निर्णय गरेको जापानस्थित नेपाली दूतावासले जनाएको छ । जापान सरकारले बिहीबार मात्र यो निर्णय गरेको हो । नेपाल–जापानबीचको सम्बन्ध विस्तारमा महत्वपूर्ण भूमिका निर्वाह गरेबापत यस्तो विभूषण प्रदान गर्ने निर्णय गरेको दूतावासको विज्ञप्तिमा उल्लेख छ । पौडेलले सभामुख भएको बेलामा जापान-नेपाल फ्रेन्डशिप पार्लियामेन्टेरियन कमिटी गठन गरेर सांसदहरूका बीचमा अनुभव साटासाट गर्न भूमिका खेलेकाले उनलाई सो अवार्ड अवार्ड प्रदान गरेको दूतावासद्वारा जारी बिज्ञप्तिमा उल्लेख छ।