काठमाडौं ।
नेपाली कांग्रेसका बरिष्ठ नेता रामचन्द्र पौडेलले प्रधानमन्त्री केपी शर्मा ओलीलाई मध्यावधि चुनावमा तनहुँबाट चुनाव लड्न चुनौती दिएका छन् ।
नेता पौडेलले आज पार्टीको केन्द्रीय कमिटी बैठकपछि पत्रकारहरुसंग कुरा गर्दै यस्तो बताएका हुन् ।
उनले भने, ‘म पाँचपटक चुनाव जितेको मानिस हुँ। अब चुनावमा तनहुँ आउनुस् अरूलाई नपठाउनू। म तपाईंसँग चुनाव लड्न तयार छु ।’
यता बुधबार प्रधानमन्त्री ओलीले पौडेललाई तनहुँबाट हार्ने भएपछि चुनाव लड्न डराएको बताएका थिए ।
पौडेल र ओलीबीच घोचपेचको शृंखला जारी छ । तनहुँमा पुल उद्घाटनका क्रममा पौडेललाई नेकपा कार्यकर्ताले अवरोध गरेका थिए ।
न्युज अफ नेपाल।
.png)
