काठमाडौँ –प्रतिनिधिसभामा विश्वासको मत गुमाएपछि प्रधानमन्त्री केपी शर्मा ओली पदमुक्त भएका छन् । प्रधानमन्त्री पदमुक्त भएसँगै कम्युनिष्ट पार्टीको सरकार ढलेको छ ।
प्रतिनिधिसभाबाट आवश्यक पर्ने विश्वासको मत नपाएपछि सोमबारदेखि प्रधानमन्त्री ओली स्वतः पदमुक्त बनेका हुन् । प्रधानमन्त्रीले प्रतिनिधिसभामा विश्वासको मत पुस्ट्याइँका लागि भएको मतदानमा हुन्छ भन्ने पक्षमा ९३ मत मात्रै पाए ।
प्रधानमन्त्रीको आफूप्रति विश्वास छ भन्ने प्रस्ताव पारित हुन हाल कायम रहेको २७१ सदस्यको बहुमत अर्थात् १३६ मत गर्न आवश्यक हुन्थ्यो । प्रधानमन्त्रीको प्रस्तावको विपक्षमा १२४ मत खसेको छ ।
सोमबार प्रतिनिधिसभामा भएको मतदानमा २३२ सांसदहरु सहभागी थिए । तीमध्ये १५ सांसदहरु तटस्थ बसेका थिए । एमालेको माधव नेपाल पक्षका सांसद अनुपस्थित रहे । संसदीय दलको ह्वीपविपरीत माधव नेपाल, झलनाथ खनालसहित २० जना प्रत्यक्ष निर्वाचित र ८ जना समानुपातिक सांसद सोमबारको प्रतिनिधिसभा बैठकमा अनुपस्थित भएका हुन् ।
अनुपस्थित हुने सांसदहरू
१ योगेश भट्टराई
२ झलनाथ खनाल
३ पवित्रा निरौला खरेल
४ भवानी खापुङ
५ जयकुमार राई
६ यज्ञराज सुनुवार
७ गणेश पहाडी
८ विरोध खतिवडा
९ कृष्णलाल महर्जन
१० माधवकुमार नेपाल
११ जीवनराम श्रेष्ठ
१२ नारायण खतिवडा
१३ घनश्याम भुसाल
१४ गोकर्ण विष्ट
१५ सोमप्रसाद पाण्डे
१६ मेटमणी चौधरी
१७ झपट रावल
१८ भीमवहादुर रावल
१९ दिपकप्रकाश भट्ट
२० सुरेन्द्र पाण्डे
२१ रामकुमारी झाँक्री
२२ सरला यादव
२३ पुष्पाकुमारी कर्ण
२४ कल्याणी खड्का
२५ निरादेवी जैरु
२६ कलिला खान
२७लक्ष्मीकुमारी चौधरी
२८ मुकुन्द न्यौपाने
.png)
