बरिष्ठ संगीतकार आलोक श्रीको संगीतमा नयाँ गीत सार्बजनिक भएको छ। ‘माछीले चलायो पानी’ बोलको यो गीतमा गायक रामकृष्ण ढकाल र गायिका अन्जु पन्तको युगल स्वर भरेका छन्। यो गीतको शब्द ऋषिराम देवकोटाको हो ।
गीतको भिडियो आकर्षक बनेको छ। जसमा चर्चित नायक दीलिप रायमाझी र गरिमा शर्मालाई देख्न सकिन्छ ।
गुञ्जन इन्टरटेन्मेन्टले निर्माण गरेको भिडियोमा नवराज उप्रेतीको छायाँकन, भरत रेग्मीको सम्पादन छ ।
भिडियोका निर्देशक मौसम हिमाल हुन् । संगीतकार आलोकश्रीको आफ्नै युट्युव च्यानल आलोक श्रीबाट भिडियो सार्वजनिक भएको छ ।
यो गीत दर्शक तथा श्रोताले मन पराउनेमा आफु विश्वस्त रहेको संगीतकार आलोकश्रीले संचारकर्मीहरुलाई बताए ।
.png)
