मेरिल्याण्ड, अमेरिका
अप्रिल २७,२०२३
अर्घाखांची जिल्लाको सन्धिखर्क ८ खापडांडाका २३ बर्षका मनिष पराजुली अहिले घांटीमा भएको क्यान्सरका कारण धेरै नै पीडामाछन् ।
फूल स्कलरसीप पाएर एक बर्ष अगाडी उज्वल भविष्यको सपना बुनेर स्टुडेन्ट भिसामा अष्ट्रेलिया पुगेका थिए पराजुली ।त्यहां अचानक उनको घांटीमा समस्या भयो । डाक्टरहरुले ट्युमरको आशंका गरे ।
अष्ट्रेलियामा स्टुडेन्टलाई उपचारमा महंगो पर्ने भएपछि मनिष नेपाल फर्किए र भारतको एपोलो हस्पिटलमा परिक्षण गराए। डाक्टरहरुले Salivary gland cancer भएको बताए । केही पटक किमोथेरापीपछि मनिष अहिले नेपालकोकाठमाण्डौंमा छन् ।
डाक्टरहरुका अनुसार उनको रोग सुधारोन्मुख छ र पूर्ण निको हुने आशा गरिएको छ । तर मनिषको घरको लगभग सबैसम्पत्ति उपचारका क्रममा सकिएको छ ।
अहिले मनिष र परिवारलाई आफन्त र साथीभाईको सहयोगमा बांचिरहेका छन् । पूर्ण निको हुनेबेलासम्मको लागिमनिषलाई थप सहयोगको जरुरी परेको छ। त्यसैले उनका नजिकका आफन्तहरुले गोफण्ड मी शुरु गरेका छन र सबैबाटससानो सहयोगको अपेक्षा पनि गरेका छन् ।
“मनिष गांउका अशल र होनहार यूवा हुन् । पढाईमा निकै तेज मनिषबाट त्यो गांउले धेरै आशा गरेको थियो । उनी अझैपनिहाम्रो आशाको केन्द्र हुन् । उनको पीडामा मलम लगाईदिनु हुन र मानवीय सहयोग गरिदिनु हुन सबैसंग अनुरोध गर्दछु ।” मनिषको लागि आर्थिक सहयोग जुटाउन सक्रिय रहनु भएका बिष्णु बन्जाडेले भन्नुभयो ।
सहयोगको लागि तलको लिंकमा क्लिक गर्नुहोस :
.png)
