संखुवासभा
हेवाखोलामा बाढीले बेपत्ता भएकाको खोजी गर्न तालिमप्राप्त कुकुरको प्रयोग सुरु गरिएको छ । शनिबारदेखिहेवाखोलामा बेपत्ता रहेका १६ जनाको तालिमप्राप्त कुकुरद्वारा खोजीकार्य सुरु गरिएको संखुवासभाका प्रमुख जिल्लाअधिकारी शिवकुमार कार्कीले जानकारी दिए ।
उनका अनुसार एक सातासम्म लगातार रूपमा नेपाली सेना, सशस्त्र, प्रहरी र स्थानीय परिचालन गरी खोजतलास गर्दा पनिपत्ता लगाउन नसकेपछि तालिमप्राप्त कुकुर प्रयोग गरिएको हो ।
‘हेवाखोलामा माथिबाट आएको बाढीले लेदो माटो र बालुवा थुपारेको छ । खोला किनारमा अत्यधिक बालुवा गेग्रानथुपारेको र खोलाको सतह पनि माथि उठेको छ । खोलामा गेग्रेन, ढुंगा पनि धेरै माथिसम्म आएकाले उत्खनन गरेर खोज्नसकिने अवस्था छैन । एक्साभेटरले खनेर खोजी गरे पनि केही पत्ता लगाउन सकिएको छैन, निरन्तर रूपमा प्रयास जारी छ,’ कार्कीले भने ।
बेपत्ताहरूको एक सातासम्म खोजी जारी राखे पनि नभेटिएपछि नेपाल प्रहरीले सुनसरीको धरानबाटतालिमप्राप्त कुकुर ल्याई सभाखोलाबाट खोजीकार्य सुरु गरिएको उनको भनाइ छ ।
गत ३ असारमा अविरल वर्षापछि आएको बाढीले जिल्लाको पाँचखपन र चैनपुर नगरपालिकाबीचमा रहेको हेवाखोलामाआएको बाढीले सुपरहेवा हाइड्रोपावरमा कार्यरत कर्मचारी र कामदार गरी १७ जना बेपत्ता छन् । स्थानीय पाँचखपनकोसन्तोष राईको शव फेला परिसकेको छ । अर्का एकजनाको कम्मरमुनिको भाग मात्रै भेटिएकाले पहिचान भई सनाखत हुननसकेको संखुवासभाको प्रमुख जिल्ला अधिकारी कार्कीले बताए । उनका अनुसार गत शनिबार राति आएको बाढी रपहिरोमा परी हेवाखोलामा १७, चैनपुरको नुनढाकीमा एक र सभापोखरीमा दुई गरी २० जना बेपत्ता छन् ।
बाढीपहिरोमा परी संखुवासभामा अहिलेसम्म दुईजना मृत्यु भइसकेको छ । जिल्लाका विभिन्न स्थानमा २१ घर विस्थापितभएका छन् भने १२ घरमा पूर्ण क्षति पुर्याएको छ । खोला–किनारमा रहेका जमिनमा लगाएको लाखौं रुपैयाँबराबरकोअन्नबाली बगाई नष्ट गरेको छ । बाढीले सुपर हेवाखोला हाइड्रोपावर, अपरहेवा हाइड्रोपावर र मेन्छेयामहाइड्रोपावरलगायत हेवा र पिलुवामा रहेका हाइड्रोपावरमा करोडौँ रुपैयाँबराबरको क्षति पुर्याएको छ ।
हेवा र पिलुवा खोलामा रहेको झोलुंगे पुललगायत दुईवटा पक्की पुलसमेत बगाएको छ । हेवाखोलामा निर्माणाधीन एउटापक्की पुलमा क्षति पुर्याएको छ । जिल्लाभरमा बाढीपहिरोले पुर्याएको क्षतिबारे विवरण संकलन भइरहेको जिल्ला प्रहरीकार्यालय संखुवासभाका डिएसपी वीरेन्द्र गोदारले बताए ।
नयां पत्रिका अनलाईनबाट ।
.png)
