विश्वको प्रतिष्ठित बिमान कम्पनी कतार एयरवेजले अमेरिकाको दोहा देखि फिलाडेल्फियाको उडानलाई रद्द गरेको छ । यो रुटमा कतार एयरवेजले अक्टोबर २९ बाट हवाई सेवा बन्द गर्ने भएको छ । यो रुटमा अब अमेरिकी एयर लाइन्सले सेवा सुरु गर्ने भएको छ ।

कतार एयरवेजको पार्टनर कम्पनीका रुपमा रहेको अमेरिकी एयरले फिली देखि दोहाको सेवा सुरु गर्ने भएको हो । कतार एयरवेजले फिलिको रुटको सेवा बन्द गरेपनि त्यसको सट्टा उसले दोहाबाट न्यूयोर्कको रुटमा यात्रा बढाउने भएको छ ।

कतार एयरवेजले दोहाबाट फिलाडेल्फियाको रुटमा सन् २०१४ अप्रिल महिनाबाट सेवा सुरु गरेको थियो । जसमा उसले पछिल्लो पटक बोइङको ७७७–३०० इआर बिमानलाई प्रयोग गरिरहेको थियो । दोहोबाट फिलाडेल्फियासम्मको दुरी ६ हजार सात सय ९७ माइल रहेको छ । उसले दैनिक रुपमा यो सेवा दिएको थियो ।

अब अमेरिकी एयरलाइन्सले यो रुटमा आफ्नो सेवा दिएपनि यसले सानो बिमानलाई प्रयोग गर्ने बताइएको छ । कतारले सन् २०२३ को जनवरी देखि मे महिनासम्म मात्र यो रुटमा ९१ हजार यात्रीलाई सेवा दिएको थियो । जसमा हरेक यात्रामा बिमानमा एभरेज सिट लोड ८५ प्रतिशत रहेको थियो ।

दक्षिण एशियाबाट दोहा हुँदै यो रुटमा यात्रा गर्नेको संख्या निकै रहेको छ । जसमा नेपालीको संख्यापनि धेरै छ । फिलाडेल्फियाबाट एशियाका बिभिन्न देश जाने यात्रुका लागि मुख्य बिकल्प कतार एयरवेज नै रहेको थियो ।

अब कतार एयरवेजले विन्टरको समयमा दोहाबाट न्यूयोर्क दिनको तीन वटा फ्लाइट गर्ने भएको छ भने डालास दुई वटा पुर्याएको छ । यस्तै वासिंटन डिसी सातामा १२ वटा फ्लाइट गर्ने भएको छ । लस एञ्जलसमा साताको १० वटा फ्लाइट गर्ने भएको छ भने एटलान्टा, बोस्टन, सिकागो, ह्युस्टन, मियामी, सान फ्रान्सिस्को र सियाटलमा दिनको एक फ्लाइट गर्नेछ ।