पछिल्लो समय अबैध समाग्रीको ओसार पसार बढेसँगै चीनसँगको सिमानामा रहेको रसुवागढी नाकामा सुरक्षा व्यवस्था कडा गरिएको छ । सीमा नाकामा सशस्त्र प्रहरी बल र नेपाल प्रहरीको निगरानी बढाइएको हो ।

केरुङबाट नेपाल भित्रने तथा नेपालबाट केरुङतर्फ जाने नागरिक तथा यातायातका साधनहरुमा निगरानी बढाईएको हो । जिल्ला प्रशासन कार्यालय रसुवाका अनुसार एक महिनाको अवधिमा केरुङबाट दुई पटक नेपाल भित्रिएको तीन केजी सुन सुरक्षा निकाय तथा रसुवा भन्सार कार्यालयले बरामद गरेपछि सुरक्षा व्यवस्थालाई थप कडा बनाइएको बताइएको छ ।

नेपाली कन्टेनर चीनीयाँ समाग्री लिन केरुङ सम्मनै पुग्ने व्यवस्था भएकाले नेपालीहरु पनि केरुङ जाने क्रम बढेको छ । सिमानाकामा हुन सक्ने अबैध क्रियाकलाप रोक्न शसस्त्र प्रहरी, नेपाल प्रहरी तथा रसुवा भन्सार कार्यालयको संयूक्त्त टिमले चेक जाँचसँगै नाकाको सुरक्षामा थप कडाई गरिएको जनाएको छ ।