Logo

सोमवार, मंसिर १ गते २०८३   |   2026 November 16

images

images

दुबै मृगौलाले काम नगर्ने भएपछि अष्ट्रेलियाबाट स्वदेश फर्किनुपर्यो एक नेपाली जोडीलाई

दुबै मृगौलाले काम नगर्ने भएपछि अष्ट्रेलियाबाट स्वदेश फर्किनुपर्यो एक नेपाली जोडीलाई

नेप्लिज डायस्पोरा

९, आश्विन २०८०
images
दुबै मृगौलाले काम नगर्ने भएपछि अष्ट्रेलियाबाट स्वदेश फर्किनुपर्यो एक नेपाली जोडीलाई

मानिसलाई जीवनमा ठूलो सोचका साथ अगाडी बढ्नेक्रममा कहिलेकाही आफ्नै शरिरले पनि साथ नदिन सक्छ वा भनौ जे सोचेको हो त्यो पुरा गर्नलाई धेरै चुनौतीहरुको सामना गर्नुपर्छ । त्यसमा पनि श्वास्थ्य नै खराब भयो भने त्यसको असर ब्यग्लै नै हुन्छ । यस्तै समस्या हुन पुग्यो नेपालबाट उच्च शिक्षा लिनका लागि अष्ट्रेलिया पुगेका एक युवा दम्पतीका लागि । 

उच्च शिक्षा हासिल गरेर राम्रो भविष्य बनाउने योजनाका साथ केहि समय अगाडी अष्ट्रेलिया पुगेकी अनु भट्ट र उनका श्रीमान बिचमा नै सबै कुरा त्यागेर नेपाल फर्कनुपरेको छ । कारण अनुको स्वास्थ्य अवस्था । 

अष्ट्रेलियाको क्विन्सल्याण्ड राज्यको बण्डाबर्गमा बस्दै आएकी अनु भट्टको दुबै मृगौला काम नगर्ने भनेर थाहा पाएपछि उनको सपना चकनाचुर भएको थियो । श्रीमान अनिश महर्जनसँगै उच्च शिक्षाका लागि अष्ट्रेलिया पुगेकी अनु आफ्नो सपना बिचमा नै त्यागेर नेपाल फर्कनुपरेको छ । 

अष्ट्रेलियामा उपचारपनि मह‌ङ्गो र आर्थिक अवस्थापनि राम्रो नभएकाले उनीहरुले सहयोगका लागि गो फन्डको प्रयोग गरेका थिए । जुन उनीहरुका लागि उपचार गराउन सजिलोका लागि सुरु गरेका थिए । हुनपनि अनुलाई सहयोग गर्ने हातहरु धेरै भएर केहि दिनमा नै नेपाली ५५ लाख रुपैयाँ सङ्कलन हुन पुग्यो । जसका कारण उनीहरुले नेपालमा नै गएर उपचार गराउने साेचेर फर्किएका हुन । 

दुबै मृगौला काम नगर्ने भएपछि त्यसको प्रत्यारोपण बाहेक अरु बिकल्प उनीहरुसँग थिएन । अब उनीहरुले नेपालमा गएर सम्भव भए मृगौला प्रत्यारोपण गर्ने योजना बनाएका छन । ठूलो सपना बोकेर सात समुन्द्र पारी गएको भट्टको दम्पतीलाई गो फन्डबाट उठेको रकमले ठूलो राहत मात्र होइन आँटपनि आएको छ । यदि नेपालमा मृगौला प्रत्यारोपण सम्भव नभएको खण्डमा भारत गएरपनि उपचार गराउने योजनाका साथ उनीहरु नेपाल फर्किएका हुन ।

अनुको सहयोगका लागि भनेर एक लाख अष्ट्रेलियन डलर उठाउने लक्ष्यका साथ सुरु भएको थियो । तर छोटो समयमा नै राम्रो रकम उठेपछि उनीहरु योजना गरेभन्दा चाँडो उपचारका लागि नेपाल फर्कन पाउँदा निकै खुसी थिए । 

images
प्रकाशित मिति :आश्विन ९, २०८० मंगलवार - ०५:४६:४० बजे

नेप्लिज डायस्पोरा

Copyright © All right reserved to Nepalses Diaspora Site By: SobizTrend