ब्लड क्यान्सरबाट जीवनमरणको अवस्थामा रहेका लक्ष्मण भट्ट आर्थिक सहयोगको याचना गरिरहेका छन । उपचारमा इन्सुरेन्स कभर नहुने भएसँगै आर्थिक अभावमा गुज्रिनुभएका क्यान्सर पीडित लक्ष्मणको जीवन रक्षाका लागि राहत संकलन अभियान थालिएको हो ।

एनआरएनए क्वीन्सल्याण्डले गो फण्डमी अभियान सुरु गरेको छ । लक्ष्मणकी श्रीमती एशोदाले गोफण्डमीमार्फत उपचारका लागि सहयोग गर्न सबैलाई अपिल गरेकी छिन ।

मल्टिपल माइलोमा नामक ब्लड क्यान्सरबाट पीडित लक्ष्मणले अहिलेसम्म ९ वटा किमो पुरा गरेका छन । ६ महिनाभित्र २४ साईकल किमो पुरा गरेर स्टीम सेल ट्रान्सप्लान्ट बिधिबाट उपचार गर्नुपर्ने भएकाले यसका लागि निक्कै ठूलो खर्च लाग्ने भएपछि भट्ट परिवार तनाबमा रहेको छ ।

सन २०२० मा अध्ययन भीसामा अष्ट्रेलिया पुगेका लक्ष्मण अहिलेसम्म पनि अस्थायी भीसामा छन । साथै उनको ६ महिने सन्तान समेत भएकाले आफू बाच्न चाहन्छु भनेर सहयोगका लागि हारगुहार गरिरहेका छन ।

एनआरएनए क्वीन्सल्यण्डले थालेको गो फण्डमी अभियानले ठूलो राहत मिल्ने अपेक्षा गरिएको छ । 

यदि तपाई पनि सहयोग गर्न चाहनुहुन्छ भने यो लिंकमा जान सक्नुहुनेछ ।