कास्की - पोखरामा एक दृष्टिविहीन शिक्षिका अपायक ठाउँमा नियुक्ति दिएको भन्दै आमरण अनसनमा बसेकी छन्।

पोखरा- १ बगरमा रहेको शिक्षा विकास निर्देशनालय गण्डकी र शिक्षा विकास समन्वय इकाई कास्कीको परिसरमा दृष्टिविहीन शोभा पौडेल हिजो आइतवारदेखि अनसन बसेकी हुन् ।

लमजुङको दोर्जी गाउँपालिकाको बालकल्याण माविमा नियुक्ति रहेको तर दृष्टिविहीन भएका कारण आफूलाई विद्यालयजान आउन निक्कै समस्या भएको उनले बताईन। गएको वर्षअघि शिक्षक सेवा आयोगबाट स्थायी शिक्षकमा नाम निकालेकी थिईन ।

पायक विद्यालयमा नियुक्ति र हाजिर गराइ स्थायी रोजगारीको सुनिश्चित हुनुपर्ने उनको माग  छ । उनले १५ वर्षदेखि पोखराको राष्ट्रिय माविमा पढाउँदै आएकी थिईन । आफ्नो परिवारका अन्य सदस्यमा पनि अपाङ्गता भएका कारण आफूलाई झन् समस्या भएको उनले गुनासो गरिन ।