नेपालीहरुको महान चाड दशै र तिहारको पूर्वसन्ध्यामा भर्जिनियामा दशै तिहार फेस्टिबल भब्यरुपमा सम्पन्न भएको छ । शनिबार भएको सो कार्यक्रममा नेपालबाट आएका कलाकार कालीप्रसाद बास्कोटाको प्रस्तुती रहेको थियो भने हाल अमेरिकामा रहेका बिभिन्न कलाकारले पनि आफ्नो प्रस्तुती दिएका थिए ।
भर्जिनिया राज्यको प्रिन्स विलियम काउन्टीको फेयरग्राउण्डमा भएको कार्यक्रममा बर्षाका बिचपनि राम्रो सहभागिता रहेको थियो ।
कार्यक्रममा गायक तथा सङ्गितकार कालीप्रसाद बास्कोटाको प्रस्तुती मुख्य आकर्षणका रुपमा रहेको थियो । उनले आधा दर्जन जति गीतहरु प्रस्तुत गरेका थिए । उनको प्रस्तुती अगाडी बर्षाभएपनि समर्थकले छाता ओडेर भएपनि उनको प्रस्तुती हेरेका थिए । उनले आफ्ना नयाँ र पुराना गितहरु प्रस्तुत गरेका थिए ।
यसका साथै अमेरिकी द भ्वाइसमा ८ औ स्थानमा रहेकी नेपाली छोरी परिजिता बास्तोलाले पनि नेपाली र अंग्रेजी गीतहरु गाएकी थिइन् । कार्यक्रममा फिरोज स्याङ्गदेन र उनकोले प्रस्तुति गरेका थिए । त्यस्तै अमेरिकामै जन्मेकी प्रकृति देउजाले नेपाली र अंग्रेजी गीत गाएकी थिइन् ।
दिउँसो ६ बजेबाट सुरु भएको महोत्सवमा सहभागि हुनका लागि करिव चार हजार देखि ४५ सय मानिस पुगेको अनुमान गरिएको थियो । कार्यक्रममा दिउसो १२ बजेबाट बिभिन्न नेपाली उत्पादनको स्टलहरु राखिएको थियो । महोत्सवमा दशैं बजार, नेपाली खानाका परिकार, नेवारी खाना, थारु खाना ,सेलरोटी, गहना पसल र लुगा तथा अन्य विभिन्न सामानका प्रदर्शनी कक्षहरु रहेका थिए । महोत्सवमा दिउँसोको समय मंगलधुन, लाखे नाच, रथ प्रदर्शनी लगायतका सांस्कृतिक कार्यक्रम तथा तामाङ, नेवार, गुरुङ र अन्य जातजातिका पहिचान झल्किने प्रस्तुति भएका थिए ।
सांगीतिक कार्यक्रम दिनभर जस्तो चलेपनि मुख्य कार्यक्रम भने साँझ ६ बजेबाट सुरु भएर १० बजेसम्म चलेको थियो । कार्यक्रममा भर्जिनियामा रहेका कलाकार मात्र नभएर बाल्टिमोर र न्यूयोर्कबाट पनि कलाकार आएका थिए ।
थ्री इन्टरटेन्टमेन्टले आयोजना गरेको दशैँ तिहार महोत्सवमा भाग्यमानी बिजेताको पनि घोषणा गरिएको थियो । जसमा पहिलो हुनेले अमेरिकाबाट नेपाल जाने र आउने टिकट प्रदान गरिएको थियो भने दोश्रो भाग्यशाली बिजेताले अमेरिका भित्रै ४५० डलर सम्मको लागि आन्तरिक यात्रामा अमेरिकामा यात्रा र ,तेश्रो चिट्ठा बिजेतालाई ६५ इन्चको टिभी प्रदान गर्ने घोषणा गरिएको थियो ।
कार्यक्रममलाई राजश्री श्रेष्ठ,कलाकार निशा अधिकारी ,प्रसिद्ध कलाकर पवनकली मम्पी घोष लगायतले चालन गरेका थिए ।
कार्यक्रम अनेष्ट रियल स्टेटले आयोजना गरेको हो भने अन्जना बुढाथोकीले अन्तिममा सहभागि सबैलाई धन्यबाद दिएकी थिइन् । कार्यक्रममा मेरिल्याण्ड राज्यका डेलिगेट्स डा ह्यारी भण्डारी सहित स्थानीय नेताहरुको समेत उपस्थिती रहेको थियो ।
