नेपालीहरुको महान चाँड दशै तिहारलाई अझ नेपाली कलाकारका साथ बिशेष बनाउने लक्ष्यका साथ आयोजना हुन लागेको दशै तिहार नाइट्सका लागि सम्पुर्ण तयारी पुरा भएको आयोजकले जनाएका छन । थ्री इ इन्टरटेन्मेन्ट र होराइजन ह्युजको आयोजनामा हुन लागेको कार्यक्रमका लागि मुख्य आकर्षणका रुपमा चर्चित गायक तथा संगितकार कालिप्रसाद बास्कोटा र गायिका इन्दिरा जोशी रहेका छन । 

टाउसन युनिभर्सिटीस्थित हारोल्ड जे कप्लन कन्सर्ट हलमा हुने कार्यक्रमका लागि सबै तयारी पुरा भएको आयोजकको भनाई रहेको छ । कार्यक्रम आयोजक टिमका सदस्य विक्रम शाहीका अनुसार होराइजन ह्युजले थ्री इ इन्टरटेन्मेन्टसँग मिलेर पहिलो पटक आयोजना गर्न लागेको कार्यक्रम निकै ब्यवस्थित हुनेमा ढुक्क रहेको बताए । यसका साथै उनले कार्यक्रमलाई सफल बनाउनका लागि निकै मेहेनत गरेको र त्यसको प्रतिफल राम्रो हुनेमा आशावादी रहेको बताए । 

यस्तै आयोजक टिमका अर्का सदस्य सुमन क्षेत्रीलेपनि पहिलो पटक आयोजना गर्न लागेको कार्यक्रममा समर्थकको राम्रो उपस्थिती हुनेमा विश्वस्त रहेको बताए । उनले कार्यक्रमका लागि टिकट बिक्रि अपेक्षा गरे अनुसार भएको र आइतबारका दिन पनि गेटमा टिकट बिक्रि हुनेमा आशावादी रहेको बताए । साथै उनले यो पटक बाल्टिमोरमा रहेका संगीतप्रेमीका लागि कालिप्रसाद र इन्दिराको प्रस्तुती झुम्न लायक हुने बताए । 

यो कार्यक्रमका लागि विभिन्न ब्यक्ति र संस्थाहरुले पनि सहयोग गरेका छन । अनेस्ट रियल स्टेटको मुख्य संलग्नता रहेको कार्यक्रम आइतबार साँझ सात बजेबाट सुरु हुनेछ । तर कन्सर्टको मुख्य कायक्रम आठ बजेबाट सुरु हुनेछ । 

कार्यक्रमका लागि कालिप्रसाद र इन्दिरा आइतबार दिउँसो बाल्टिमोर पुग्नेछन । कार्यक्रममा कालिप्रसाद र इन्दिरा बाहेक केहि नृत्यका कार्यक्रमपनि हुनेछन । जसमा बाल्टिमोरमा नै बस्दै आएका केहि स्थानीय कलाकालको प्रस्तुती रहनेछ । 

चार सय सिट क्षमता रहेको सो हलका लागि विशेष तर्फ एक सय डलरको टिकट मुल्य राखिएको छ भने साधारण तर्फ ३५ डलरको टिकट मुल्य राखिएको छ । 

अमेरिकाका विभिन्न एक दर्जन शहरमा यूएस टुर गर्ने लक्ष्यका साथ कालिप्रसाद र इन्दिरा अहिले अमेरिका भ्रमणमा रहेका छन । यसअघि उनीहरुले पेन्सलभेनियाको हेरिबर्गमा कार्यक्रम गरेका थिए । जसमा समर्थकको राम्रो उपस्थिती रहेको थियो । 

यो टुर अन्तर्गत दोस्रो कार्यक्रमका रुपमा रहेको बाल्टिमोरमा पनि दर्शकले राम्रो साथ दिने ठूलो आशा गरिएको छ । कार्यक्रमको आधिकारिक उद्घोषकका रुपमा नायिक निशा अधिकारी रहेकी छिन । 

कार्यक्रम आयोजक टिममा उत्सव सिग्देलका साथै विक्रम शाही, नरेन्द्र बुढा, केशव दाहाल र सुमन क्षेत्री रहेका छन । यो बाहेक अरु ब्यक्तिहरुले पनि कार्यक्रममा साथ दिएका छन । 

कार्यक्रममा खानाका साथै पेय पदार्थको पनि ब्यवस्था गरिएको छ । कार्यक्रम हुने हलको ठेगाना यस्तो छ ।

7700 OSLER DR, TOWSON, MD 21204