अमेरिकाको विभिन्न राज्यहरुको ३० वटा चलचित्र मन्दिरमा गाउँ आएको बाटो प्रदर्शन हुने भएको छ ।

गाउँ आएको बाटो’ गाउँको कथा बोलेको चलचित्र हो । नवीन सुब्बाको निर्देशन रहेको फिल्म ‘गाउँ आएको बाटो’मा दयाहाङ राई, पशुपति राई र बालकलाकार प्रसन राईको मुख्य अभिनय छ बाबुछोरोको कथामा निर्माण भएको चलचित्र मेन्छ्याम फिक्चर्स र बाँसुरी फिल्मस्को संयुक्त ब्यानर(ध्वजा)मा निर्माण गरिएको हो । 

अमोद राई र निर्देशक सुब्बा निर्माता रहेको फिल्मको पटकथा निर्देशनमा सुब्बाले महेश राईसँग सहकार्यमा तयार गरेका हुन् ।

चलचित्रको अन्तर्राष्ट्रिय प्रदर्शनको अधिकार राइट्स सेभेन सिजले खरिद गरेको छ भने कार्यकारी निर्मातामा सञ्जु राई, देवराज राई, नरहाङ राई र भीम राई हुन् ।

निर्देशक नवीन सुब्बा तथा अभिनेता दयाहाङ राई गत बुधबार अमेरिका आएका छन् । उनीहरु नेपाल अमेरिका चलचित्र महोत्सवको लागि आएका हुन्। अमेरिकाको लागि यो चलचित्र नेपाल ११ इन्टरटेन्टमेन्टले ल्याएको हो भने मल्को एपको प्रस्तुति रहेको छ ।

नेपाल–अमेरिका फिल्म फेस्टिभलमा सहभागी हुन अमेरिका उडे नवीन सुब्बा र दयाहाङ राई

महोत्सवको रेडकार्पेट प्रिमियरमा निर्देशक सुब्बा र अभिनेता राई सहभागी हुन लागेका हुन्। मेरिल्यान्डस्थित एएफआई सिल्भर थिएटरमा जुन २० (बिहीबार) मा ‘गाउँ आएको बाटो’ प्रदर्शन गरिने भएको छ । चलचित्रमा दयाहाङसहित पशुपति राई र बाल कलाकार प्रसन राईको मुख्य अभिनय छ । 

राई समुदायको सामाजिक पृष्ठभूमिमा बनेको चलचित्रले गाउँमा सडक आएपछि बाबु–छोराको सम्बन्धमा आउने उतारचढावलाई चित्रण गर्छ । महोत्सवमा समापन चलचित्रको रूपमा ‘द रेड सुटकेस’ प्रदर्शन हुनेछ । यो  चलचित्रलाई फिडेल देवकोटाले निर्देशन र रामकृष्ण पोखरेलले निर्माण  गरेका हुन्। महोत्सवमा नेपाल, अमेरिका, इरान, जर्मनी, पाकिस्तानलगायत ११ देशका कथानक, वृत्तचित्र, सर्ट र एनिमेसन गरी ३५ फिल्म स्क्रिनिङ हुनेछन् ।

महोत्सवमा राजन कठेत र सुनिर पाण्डे निर्देशित डकु–ड्रामा ‘ढोरपाटन’ र केसाङ छेतेन निर्देशित वृत्तचित्र ‘डाइभर्सिटी प्लाजा’ पनि प्रदर्शन हुनेछन्। प्रदर्शन गरिएकामध्येबाट उत्कृष्ट फिल्मलाई विभिन्न अवार्डबाट पुरस्कृत गरिने भएको छ। महोत्सव उद्घाटन र समापन मेरिल्यान्डस्थित एएफआई सिल्भर थिएटरमा हुने आयोजक नेपाल–अमेरिका फिल्म सोसाइटीले जनाएको छ । चार दिनसम्म चल्ने महोत्सवका चलचित्र भने एएफआई सिल्भर थिएटर र ग्रिनबेल्ट थिएटरमा प्रदर्शन हुनेछ । 

महोत्सवको दौरानमा फिल्म र संस्कृति, महिला ‘प्यानल’मा छलफल, फिल्म निर्माणबारे मास्टरक्लास पनि सञ्चालन हुने जनाइएको छ । मेरिल्यान्ड राज्यको ‘पार्क्स तथा योजना आयोग’को सहयोगमा उक्त छलफल हुन लागेको हो । सन् २०१७ देखि प्रत्येक वर्ष महोत्सव आयोजना हुँदै आएको छ ।