६ असोज, काठमाडौं । काठमाडौं उपत्यकाका राष्ट्रिय स्वतन्त्र पार्टी कार्यकर्तालाई केन्द्रीय कार्यालयमा जम्मा भईरहेको एक नेताले जानकारी दिए । 

पार्टीले आफ्ना नेता कार्यकर्तालाई तत्काल पार्टी कार्यालयमा आउन सर्कुलर जारी गरेको थियो । सर्कुलरमा कुनै कारण उल्लेख गरिएको छैन ।

रास्वपाका एक नेताका अनुसार सभापति रवि लामिछाने सहित केन्द्रीय नेताहरु पार्टी कार्यालय बनस्थलीमा छन् ।

रास्वपा सभापति तथा तत्कालीन गोर्खा मिडियाका प्रबन्ध निर्देशक रवि लामिछानेलाई  पक्राउ गर्न प्रहरी परिचालन भएको आशंका गर्दै रास्वपाले भेला डाकेको हुनसक्ने बताईएको छ ।

सहकारी ठगी प्रकरणमा संसदीय छानबिन समितिले कारबाही सिफारिस गरेका गोर्खा मिडिया नेटवर्क प्रालिका तत्कालीन सञ्चालक पूर्वडीआइजी छविलाल जोशीलाई प्रहरीले आइतबार प्रक्राउ गरिसकेको र लामिछानेलाई पक्राउ गर्न प्रहरी परिचालन भएको बुझिएको छ  ।