काठमाडौं । गायक सुजन चापागाईको अमेरिकामा हुने भनिएको कार्यक्रम क्यान्सिल हुने भएको छ । अमेरिकी दूतावासले सबै सदस्यलाई भिसा नदिँदा ‘सुजन चापागाईं एण्ड द ब्याण्ड’को सांगीतिक टूर अनिश्चित बनेको हो । 

सामाजिक सन्जालबाट जानकारी दिँदै गायक चापागाईंले अमेरिका टूर तत्काललाई रोकिएको सार्बजनिक गरिसकेका छन् ।

शुक्रबार बिहान दूतावासमा अन्तर्वार्ता भएको र ब्याण्डका एक सदस्यले मात्रै भिसा पाएको उनले लेखेका छन् । उनी लेख्छन्- राजदुतावासमा आज भिसाको लागि भएको अन्तरवार्ताको क्रममा हामी ८ जना ब्याण्डका सदस्य मध्ये १ जनाले मात्र भिसा प्राप्त गर्दा पूर्वनिर्धारित कार्यक्रम प्रभावित बनेका छन् ।’

ब्याण्डले मार्चदेखि विभिन्न अमेरिकी सहरमा टूरको घोषणा गरेको थियो । टूरमार्फत २ वर्षपछि लाइभ म्युजिकमा फर्किने तयारी थियो तर कार्यक्रम हाललाई अनिश्चित भएको ब्याण्डका मुख्य गायक चापागाईंले जनाए ।