मुक्तक - १
बिग्रे भत्के बनाइदिने आमा हुनुहुन्छ
रिसाएउँदा मनाइदिने आमा हुनुहुन्छ
रक्षाकवच हुनुहुन्छ मेरा लागि आमा
तेरो म छु, जनाइदिने आमा हुनुहुन्छ ।
मुक्तक - २
लुकेर आँसु झार्न आमाबाटै सिकेको
गल्ती नगरी हार्न आमाबाटै सिकेको
भोगाइका अनगिन्ती छ्न् पाठाशाला
मायाले आफ्नो पार्न आमाबाटै सिकेको ।
मुक्तक - ३
म हाँस्दा हाँस्नु हुन्छ म रुँदा रुनु हुन्छ
प्रकृति भन्दा अझै धेरै सुन्दर हुनु हुन्छ
भन्नुहुन्छ आमा ! मान्छे भएनन् मान्छे
शब्द शब्दमा छ अमृत हृदय छुनु हुन्छ ।
मुक्तक - ४
रुन त जन्मिदै रोएँ, धरामा हाँस्न सिकायौ
भोगियो अनेकौं हन्डर, युग जाँच्न सिकायौ
घरीघरी फुस्किन खोज्छ, सम्बन्धका डोरी पनि
आमा थियौ र कसिलो गाँस्न बाँध्न सिकायौ ।
मुक्तक - ५
चुपचाप रहनु सहनु कस्तो कर्म सिकायौ
बरु रुनु एक्लै नकहनु कस्तो मर्म सिकायौ
आमा!अन्याय गर्नेहरू सधैं सधैं मौलाइरहे,
पीडा दिनेलाई छ उन्मुक्ति, कस्तो धर्म सिकायौ !
- बिराटनगर,
.png)
