२४, पौष २०७५
काठमाडौं– ‘मिस नेपाल २०१२’मा ‘मिस इन्टरनेशनल नेपाल’ को उपाधि बिजेता शुभेच्छा खड्काको डेब्यु फिल्म ‘रणवीर’ अहिले प्रचार प्रसारमा जुटेको छ । १८ माघ प्रदर्शन मिति तय गरेको यो फिल्मले मंगलबार केही नयाँ पोष्टर सार्वजनिक गरेको छ ।
भिन्नभिन्न ४ प्रकारले तयार गरिएको पोष्टरमा अभिनेता सुशील सिटौला र अभिनेत्री शुभेच्छा सबैमा अटाएका छन् । केही पोष्टरमा फिल्मका अन्य कलाकार समेत देख्न सकिन्छ ।
फिल्मको ‘तिरिमिरी तिरिमिरी तिन तारा’ बोलको गीत अहिले चर्चामा छ । गीतमा राजनराज शिवाकोटी र अन्जु पन्तको स्वर रहेको छ भने यसमा शब्द र संगीत स्वयम् राजनले नै दिएका छन् । फिल्मका सुशील, शुभेच्छाको अलवा सुपुशा भट्टको समेत मुख्य अभिनय रहेको छ ।
प्रेमकथामा निर्मित फिल्ममा सुशील, सुभेच्छा र सुपुस्पासँगै प्रशान्त ताम्राकार, रवि गिरी, हरिहर शर्मा, नरेश पौडेल लगायतका कलाकारको अभिनय रहेको छ । कथा,पटकथा, संवाद तथा निर्देशन गोविन्दसिंह भण्डारीको रहेको छ । फिल्ममा महेश पौडेलको छायाँकन,कृष्ण भण्डारीको सम्पादन, चन्द्र पन्तको द्वन्द, रामजी लामिछाने र सुरेन्द्र बसेलको कोरियोग्राफी छ ।
प्रकाशित मिति :पौष २४, २०७५ मंगलवार -
११:३८:४४ बजे
