बाल्टिमोर, अमेरिका अमेरिकाको टेक्सासको एउटा सपिङ्ग सेन्टरमा गोलि चल्दा केहि मानिसहरु मरेको खबर प्राप्त भएको छ । मारिनेहरुको संख्या अहिलेसम्म सार्बजनिक गरिएको छैन । अपुष्ट जानकारी अनुसार १९ जनाको मृत्यु भएको बुझिएको छ । टेक्सासको 'एल पासो' नगरमा यो घटना भएको हो । बिहान १० बजेको हाराहारीमा उक्त काण्ड भएको थियो । स्थानीय वाल मार्ट र अर्को एउटा सपिङ्ग सेन्टरमा उक्त गोलि काण्ड भएको प्रहरीले सार्बजनिक गरेको छ । २३ जनाभन्दा बढी घाईतेलाई अस्पताल लगिएको पनि जानकारीमा आएको छ । कतिपय घाइतेहरु आफै अस्पताल गएको कारण अहिले नै पुरै विवरण आउन नसकेको प्रहरी प्रमुखले बताएका छन् । प्रहरीले २० बर्षे सेतो बर्णको एक युवालाई पक्राउ गरेको पनि सार्बजनिक गरेको छ ।