लक्ष्मण खनाल युएई नेपाली कला, सँस्कृति, भाषा, साहित्य र गीतसंगितको उत्थानका लागि युएईमा वैदेशिक रोजगारी तथा अन्य सिलसिलामा कार्यरत नेपालीहरूको साझा संस्थाको रुपमा रहेको अन्तर्राष्ट्रिय नेपाली कलाकार समाज (इनास), अल ऐन क्षेत्रीय समितिको दोश्रो अधिवेशन शुक्रबार सम्पन्न भएको छ । अधिवेशनमा इनास यूएईकी अध्यक्ष रेखा घिमिरेको प्रमूख अतिथ्यता सहित एनआरएन अल ऐन समितिका अध्यक्ष गोपाल पौडेल, मगर संघ अल ऐनका अध्यक्ष यमन घर्ति मगर , मितेरी समाज यूएईका अध्यक्ष प्रदिप पून मगर , झापाली समाज अल ऐनका अध्यक्ष दिपक अधिकारी तथा निवर्तमान अध्यक्ष दुर्गा सुनुवार, एमडी बोहोरा आदिको उपस्थिती रहेको थियो । वैदेशिक रोजगारमा आएर जोखिमपूर्ण काम गर्दै नेपाली भाषा, साहित्य र कलाकारितामा अग्रसर हुने नेपालीहरूको उत्साह र जाँगरलाई जति नै प्रशंसा गरेपनि कम हुने इनास यूएईका अध्यक्ष रेखा घिमिरेले बताएकी छिन् । कार्यक्रमका विशेष अतिथिको रुपमा उपस्थित भएका गोपाल पौडेलले नेपाली भाषा, संस्कृति र कलाको क्षेत्रमा इनासले विश्वव्यापी रूपमा पाएको ख्यातीको प्रशंसा गरेका छन् । पुरानो कार्यसमितिले गरेको कामको उच्च मुल्याङ्कन गर्दै नयाँ कार्यसमितिलाई त्यो भन्दा राम्रो गर्न हौसला प्रदान गरेका छन् । २१ सदस्यीयमा समितीमा अध्यक्षको रुपमा निर्वाचित भएकाबिक्रम परियारले समितीलाई अझ शसक्त रूपमा समाजको मूल मर्म र भावना अनुसार अघि बढाउने प्रतिबद्दता ब्यक्त गरेका छन् । नयाँ पत्रिका डटकमबाट