भिडियो हेर्न फोटोमा क्लिक गर्नुहोला । मोहन थापा नब्बेको दशकमा अमेरिका आएका ब्यक्ती हुन । नेपालमा म्याग्दी जिल्लाको एउटा सामान्य गाउँमा जन्मिएका मोहन गाउँकै बिद्यालयमा शिक्षक पनि भए । तर रमाइलो कुरा बिद्यालयमा पढाउने मोहनलाई गाउँकै हाट बजारमा लडाई गर्दै गरेको भेटिन्थ्यो भने घरमा अभिभावकहरुले बाँधेर सिस्नोपानी पनि लगाउँथे । परिवारले भाईलाई विदेश पठाउन तयार भयो तर मोहनलाई काठमाडौँ जान पनि विश्वास गरेन । मोहनले "म अमेरिका जान्छु" भन्दा गाउँलेहरु हाँस्थे रे ! उनै थापा सरकारी कोटामा अमेरिका आए । अमेरिकामा मोहनले गरेको संघर्ष आफैमा घतलाग्दो कथा हो । कति त पत्याउनै नसकिने खालको छ । यहाँ पनि उनका अनेक आरोह अवरोह छन । उनी ब्यबसायी बने, सफलता र असफलता दुवै भोगे । बाल्टिमोरको बाना नामक सामाजिक संस्थाको संस्थापक अध्यक्ष पनि भए र एआरएनएको आईसिसि सदस्यसम्म बने । ब्यबसाय र सेवामा लाग्दा उनी अमेरिकामा पटक पटक जेल पनि गए । संघर्ष मोहन थापाको जीवनको अर्को नाम हो । मोहन थापाको जिन्दगीका यिनै उतार चढाव र आरोह अवरोहलाइ लयबद्ध गर्ने जमर्को गरेका छौं ।कार्यक्रम 'जोग र संजोग' मा । यो भिडियो कथा हेर्नुहोला, कमेन्ट र शेयर पनि गर्नुहोला । हाम्रो यु ट्युब च्यानल सब्स्क्राईब पनि गर्नुहोला ।