पूर्व प्रधानमन्त्री एवं नेकपाका बरिष्ठ नेता माधवकुमार नेपाल न्युयोर्क आउनुहुने भएको छ । आउने सेप्टम्बर २ तारिख आइतबारको दिन दिउसो ४ बजे न्युयोर्कमा नेपालसँग अन्तरकृयाको कार्यक्रम रखिएको आयोजकले जनाएका छन् ।   न्युयोर्कको ज्याक्सनहाइटमा रहेको शेर्पा किदुगको हलमा हुने अन्तरकृया कार्यक्रम प्रवासी नेपाली मञ्चले आयोजना गर्न लागेको हो । नेपालको समसामयिक राजनीतिबारे गरिने अन्तरकृया कार्यक्रममा उपस्थित भईदिनका लागि प्रवासी नेपाली मञ्चका महासचिव राधाकृष्ण देउजाले सबैलाई अनुरोध गर्नुभएको छ ।   मंचका महासचिव देउजाले यो अन्तरक्रियामा नेपालका समसायिक राजनीतिका बारेमा छलफल हुने पनि नेप्लिज डायस्पोरालाई बताउनु भयो ।   तीनदिने अमेरिकाभ्रमणमा आउन लाग्नुभएका पूर्वप्रधानमन्त्री नेपालले न्युयोर्क आउनुअगाडि शिकागोमा हुने एन्मा, नासा र एनएनएको संयुक्त सम्मेलनमा भाग लिनुहुनेछ । त्यसलगत्तै उहाँ न्युयोर्क आउनुहुने कार्यक्रम रहेको छ ।     अगस्त ३१ देखि शिकागोमा हुने नेपाली नेशनल कन्भेन्सनमा उहाँले प्रमुख अतिथिका रुपमा सहभागी हुने र उक्त सम्मेलनलाई सम्बोधन गर्ने कार्यक्रम रहेको छ ।