न्यू योर्क गीतकार अच्युत सिग्देलद्वारा गीति एल्वम 'आबृत्ति' यू ट्युवमा सार्बजनिक भएको छ । माया प्रेम, विछोड, नृत्य, जस्ता फरक फरक बिधामा लेखिएका आठवाट गीत समावेश गरिएको गीति एल्वम आबृत्ति क़रीब ३८ मिनेटको छ । न्युयोर्क निवासी कवि तथा लेखक सिग्देलका छ वटा गीतहरुमा नारायण सुवेदी 'आभाष'ले संगीत भरेका छन । मेलीना राईले 'छोडि जाने मायालू', शिव परियारले 'मेरोमाया अर्कै थियो', निकिता थापाले 'अँगालोमा वेर्नु मलाई', जुनु रिजालले 'पुतली झै', सुरज कुमार थापाले 'मस्ती मस्ती' र नारायण सुवेदीले 'यो जीवनमा' स्वर भरेका छन् । लोक आधुनिक र नेपाली बाटो माटो र खोला झरनाको परिवेश बोकेका गीतहरू कर्णप्रिय छन् । दुई अतिरिक्त गीतमा चर्चित गायक सँगीतकार हरी लम्सालको सँगीत रहेको छ । 'सातौ फेरा नपुरेर' मा चर्चित गायक रामकृष्ण ढकालको स्वर रहेको छ भने 'टोलाएर हेरिरहेँ ओझेल पर्दासम्म' भन्ने गीत हरि लम्सालले गाएका छन् । यू ट्युवको विश्ववजार र हात हातसम्म पहुँच भएकाले गीत रिलिजमा यू ट्युव रोजिएको कुरा गीतकार सिग्देलले बताए । नारायण सुवेदीको यो जीवन, म्यूज़िक नेपाल मार्फत बजारमा आइसकेको छ । रामकृष्ण ढकालको सातौ फेरा भिडियो निर्माणको तयारीमा रहेको छ ।   सबै गीतहरु सुन्न यो तलको भिडियोमा क्लिक गर्नुहोस https://youtu.be/1zFSMB-tJ3s     गीतकार सतिश चापागाईंका मनछुने गीतहरु https://youtu.be/-nOYsZW0UEg   https://youtu.be/enSHw4h0vKU