जापान स्याङ्गजाका पिउ नारायण न्यौपाने अहिले जापानमा ब्रेन ट्यूमरको अप्रेशन गरेर बसेका छन् । उनकी श्रीमती पाल्पाली चेली पुष्प अर्याल न्यौपाने श्रीमान पिउ नारायणको सेवामा छिन । झन्डै चार महिना भयो यो जोडीलाई हस्पिटल र अपार्टमेन्ट आउजाउ गर्दैमा ठिक्क छ । कामबाट बिदा लिएका छन् । “भगवानले हाम्रो कुरा सुन्नुभयो । तेस्रो चरणमा पुगेको ट्युमरको सजिलै उपचार भयो र श्रीमान अहिले सोचेभन्दा राम्रोसंग सन्चो हुदै हुनुहुन्छ । डाक्टरले चमत्कार भयो भनेका छन् ।” श्रीमती पुष्पाले भनिन । यो जोडीलाई अहिले सहयोगको खाँचो छ । जापानमा रहेका केहि संस्थाले सहयोग संकलन गरिसकेका छन् । जापानको साईतामा केनमा उपचार गराईरहेका पिउ नारायण न्यौपानेलाई स्याङ्गजा समाज जापानले पनि आर्थिक सहयोग गरेको छ । संस्थाका  अध्यक्ष सागर मणि भण्डारी समाजसेवी तथा जनसम्पर्क समिति जापानका उपाध्यक्ष पिताम्बर चापागाईं र हिम्मत चापागाईंको टोलि आफ्नो घर मा आएर सहयोग रकम प्रदान गरेको पुष्पाले बताईन । "विषम परिष्थितिकाे बाबजुद पनि हाम्रा लागि लडिदिनु भएकाे छ ।आगामि दिनमा अप्ठयारो परेकाे घडिमा हरपल साथ दिने बाचा गर्नु भएकाे छ याे भन्दा ठुलाे खुसि अरु हाम्राे लागि के हुन्छ र ? सम्पूर्ण सहयाेगि मनहरुमा हार्दिक आभार प्रकट गर्दछौ याे घडिमा हामि पिडित पट्क्कै छैनौ साथ दिने काेहि न भए पिडा हुन्छ तर हामि खुसि छौ परदेशमा परिवार पाएका छौ ।" पुष्पाले भनिन । “हामीहरुले समस्या थाहा पाएपछि छलफल शुरु गरेका हौँ । सबैले थोरै थोरै सहयोग गरेर उहाँहरुको समस्या समाधानमा साथ दिएका हौँ।” जनसम्पर्क समिति जापानका उपसभापति पिताम्बर चापागाईंले नेप्लिज डायस्पोरासंग भन्नुभयो । यो जोडीलाई अहिले सहयोगको खाँचो छ । पुष्पा नेपालमा सामाजिक काममा सक्रिय ब्यक्ति हुन् । जापानमा आएको धेरै भएको छैन तर जापान र नेपालका बिभिन्न सामाजिक काममा पनि सहयोग गरिरहेकी पुष्पा र उनका श्रीमानलाई जापानमा सहयोगको खाँचो छ । आशा छ, यहाँका सबै संस्थाहरु र सहयोगी मनहरुले स्वतस्फुर्त सहयोग गर्नुहुन्छ । https://youtu.be/PAxrMcYKOcg