अमेरिकाको मध्यपश्चिम क्षेत्रका च्याप्टरहरुको समन्वय र विस्कन्सन च्याप्टरको विशेष पहलमा 'एनआरएनए दिवस' सम्पन्न भएको छ।
विस्कन्सन च्याप्टरका अध्यक्ष टुक प्रसाद रेग्मी र क्षेत्रिय उपाध्यक्ष वुद्धि सुबेदीको सभापतित्व आयोजित भएको विशेष भर्चुअल कार्यक्रममा अमेरिकाका एनआरएनए अभियन्ताहरुको अर्थपूर्ण सहभागितामा थियो ।
कार्यक्रममा एनआरएनए एनसिसि युएसएका अध्यक्ष सुनील साह, प्रमुख संरक्षक केशव पौडेल, बरिष्ठ उपाध्यक्ष अर्जुन बन्जाडे, महासचिव पशुपति पाण्डे, क्षेत्रिय उपाध्यक्षहरु, अन्य पदाधिकारीहरु, बोर्ड अफ डाईरेक्टरहरु, च्याप्टर अध्यक्षहरु र पदाधिकारीहरु, साधारण सदस्यहरुका साथै एनआरएनएलाई माया गर्ने धेरै सहभागीहरु रहनु भएको थियो ।
छोटो समयमा आयोजित उक्त कार्यक्रममा एनआरएनएले गर्नुपर्ने काम, मात्रीभुमि नेपालको लागी चाल्नु पर्ने कदम, समेट्नु पर्ने क्षेत्र र युवा तथा महिलाको एनआरएनएमा सहभागिताका सन्दर्भहरुमा व्यापक छलफल भएको थियो ।
कार्यक्रमका सहभागीहरुले यस्ता विषयहरु कार्यक्रम भर बोल्नको लागी मात्र नबनोस भन्दै सबै कुराहरुलाई व्यवहारमा उतार्नु जरुरी भएको बताएका थिए। एनआरएनए सबैको साझा संगठन हो र साझा नै बनेर अगाडी बढोस भन्ने सबैको शुभेच्छा थियो। कार्यक्रमका संचालक आरसिसि गोविन्द श्रेष्ठले गर्नु भएको थियो।
.png)
