एनआरएनए अमेरिकाको सदस्यता बितरण अभियानको पछिल्लो जानकारी अनुसार आज फेब्रुअरी १३ तारिख साझसम्ममा सदस्य संख्या कुल १४ हजार १७ पुगेको छ । यो फेब्रुअरी १३ तारिख साझ ७:३० बजेसम्मको बिबरण भएको मेम्बरसीप भेरिफिकेशन कमिटीका चेयर डाक्टर राजन पन्तले बताउनु भयो ।

डाक्टर पन्तका अनुसार २ हजार ६९ जना आजिवन सदस्य र ११ हजार ९ सय ४८ साधारण सदस्य रहेका छन ।

यो संख्या भेरिफिकेशन कमिटीले प्रमाणित गरेका सदस्यहरुको संख्या हो । यी सदस्यहरुलाई सुपरिवेक्षण कमिटीले प्रमाणित गरेपछि मात्र आधिकारीक मानिनेछ ।

"हटाउन वा पुन: रिभ्यु गर्नुपर्ने अवस्था हुनसक्ने कारणले गर्दा यो संख्या एनआरएनए अमेरिकाको बिधान र सदस्यताका लागि आवश्यक रिक्वायरमेन्टका आधारमा घटबढ हुनसक्ने सम्भावना रहन्छ।" भेरिफिकेशन कमिटीका चेयर पन्तले बताउनु भयो।”

"सदस्यता संख्या नै संस्थाको मुख्य आधार स्तम्भ हो । जति धेरै सदस्य बनाउन सकियो त्यति नै बढि संस्थाप्रति आम मानिसको चासो र अपनत्व महशुस गराउन सकिन्छ भन्ने मूल ध्येयका साथ हामीहरु यो अभियानमा सक्रिय छौं र थप हातेमालोको अपेक्षा गर्दछौं ।" मेम्बरसीप ड्राईभ कमिटीका संयोजक वुद्धि सुवेदीले नेप्लिज डायस्पोरासंग बताउनु भयो।