Logo

आइतवार, कार्तिक ३० गते २०८३   |   2026 November 15

images

images

गजल -जेराणा

गजल -जेराणा

नेप्लिज डायस्पोरा

१५, कार्तिक २०७८
images
गजल -जेराणा

मेरो सिन्दुरको रंग अर्कैलाई पारेर गयौ
तिम्रो र मेरो बिचको साँध बारेर गयौ

सम्झनाको लगन गाँठो म संगै छाडेर
माया लत्याई अन्त साइत सारेर गयौ

तिम्रो रिसको पोको मै माथि थोपरेर
क्रोधले जली आफ्नै झाँको झारेर गयौ

जीवनका उकाली ऒरालि नबुझेर तिम्ले
हाम्रो सम्भावना मिलनको नै टारेर गयौ

मनले नटिकेको सम्बन्ध, धनले के टिक्ला र
खैभरोशा जिन्दगीको आशको बीट मारेर गयौ

११/०६/२०२०

images
प्रकाशित मिति :कार्तिक १५, २०७८ सोमवार - २०:०१:५० बजे

नेप्लिज डायस्पोरा

Copyright © All right reserved to Nepalses Diaspora Site By: SobizTrend