बाल्टिमोर
जीवन विज्ञान अमेरिकाद्वारा बाल्टिमोरमा परम आनन्दको द्वार बिषयक प्रवचन कार्यक्रम मेरिल्याण्डको बाल्टिमोरमा पनि हुने भएको छ । टेक्सासको कार्यक्रमको पूर्ण सफलतापछि बाल्टिमोरमा कार्यक्रम हुदैछ।
यहि जुलाईको १७ तारिखमा कार्यक्रम हुने जानकारी बाल्टिमोरको कार्यक्रमको ब्यबस्थापन गरिरहनु भएकी समाजसेवी तथा जीवन विज्ञानकी प्रशिक्षक माया श्रेष्ठले जानकारी दिनुभएको छ ।
कार्यक्रमको तयारी अन्तिम चरणमा पुगेको स्थानीय आयोजकले जानकारी दिएको छ।
बाल्टिमोरको कार्यक्रम दुई घण्टाको हुनेछ। कार्यक्रण निशुल्क हुनेछ र कार्यक्रम सम्पन्न हुने बित्तिकै प्रसाद वितरण गरिनेछ।
NCSC र विभिन्न संसस्थाद्वारा संयोजन गरिएका यस्तै विभिन्न कार्यक्रम अमेरिकाका अन्य स्टेटमा पनि भइरहेका छन ।
कार्यक्रममा गुरुहरु एल पी भानु शर्मा र रमेश नेपाल पनि उपस्थित हुनुहुने जानकारी प्रशिक्षक श्रेष्ठले दिनुभएको छ ।
साथै सो कार्यक्रममा उपस्थित भई मानसिक र शारीरिक लाभ लिन जीवन बिज्ञानका प्रशिक्षक माया श्रेष्ठले सबैलाई आव्हान गर्नुभएको छ ।
