प्रवासी नेपाली मंच अन्तराष्ट्रिय कमिटीले 'गैर आवासिय नेपाली नागरिकता र प्रवासबाट मतदान अधिकार' बिषयक खुल्ला छलफलको आयोजना गरेको छ ।

यहि जुलाईको १२ तारिखको राती ९:१५ बजे कार्यक्रम जुममा गरिने छ । कार्यक्रममा गैर आवासिय नेपाली नागरिकता र प्रवासबाट मतदान अधिकारका बिषयमा लामो समयदेखि सक्रिय दुई नेपाली सांसदहरु कृष्णभक्त पोखरेल र डाक्टर सूर्य पाठक विज्ञ श्रोत ब्यक्तिका रुपमा उपस्थित हुनुहुनेछ । 

जुममा उपस्थित सहभागीहरुबाट कमेन्ट लिईनेछ साथै उहांहरुबाट ईनबक्समा जिज्ञासा लिईनेछ । प्राप्त जिज्ञासाहरुलाई संकलन गरी विज्ञ माननीय द्वयबाट जवाफ लिईने कार्यक्रम आयोजक संस्था प्रवासी नेपाली मंच अमेरिकाका निबर्तमान अध्यक्ष प्रभु थापाले नेप्लिज डायस्पोरालाई जानकारी दिनुभयो । 

यो बिषयमा जानकारी लिन र मनमा लागेका केही जिज्ञासा मेटाउन चाहनेले फ्लायरमा उपलब्ध जुममा जोडिन सकिने पनि प्रभु थापाले बताउनु भयो । 

"नागरिकता विधेयक पारित होला भनेर आशा गरेको बेला सरकारले विधेयक नै फिर्ता लगेपछिको अन्यौलता चिर्न यो कार्यक्रम गर्नु परेको हो" थापाले भन्नुभयो ।