लामो समय अमेरिकामा बसेर पनि ग्रिन कार्ड नबनेकाहरुलाई खुशीको खबर सार्बजनिक भएको छ । उनीहरुले ग्रीन कार्ड पाउने सम्भावना बढेको छ ।

अमेरिकामा लगातार सात बर्ष बसोबास गरेका तर कागज नभएका आप्रबासीहरुलाई प्रक्रिया पुर्याएर ग्रिन कार्ड दिने विधेयक बुधबार तल्लो सदनमा पेश भएको छ ।

"अमेरिकी तल्लो सदन House of Representatives मा आप्रवासीलाई ग्रिन कार्ड दिने सम्वन्धी rolling registry विधेयक बुधबार पेस भएको छ ।" यो विधेयकलाई नजिकबाट हेरेका समीर जोशीले बताए ।

 
यसमा ७ वर्ष अमेरिकामा बसेका जुनसुकै स्टाटसका आप्रवासीलाई ग्रिन कार्ड प्रक्रियामा लैजाने प्रावधान छ । यो विधेयकलाई हाउस अफ रेप्रिजेन्टेटिभका ४६ जना डेमोक्रेटिक सासंदले समर्थन गरेका छन ।

अमेरिकी समाचार माध्यम अनुसार, यो विधेयकले विध्यमान नागरिकता ऐनको सम्वन्धित दफा संसोधन गर्छ । यो विधेयक मात्र २ पृष्ठको छ । समाचारमा विधेयकको बारेमा सबै कुरा सार्वजनिक नभएको बताईएको छ ।

यो विधेयक हाउसबाट पास हुने विश्वास गरिएको छ । तर, संसदको माथिल्तो सदनबाट पारित हुन कठिन हुने समाचारमा उल्लेख छ । यस अघि २०१९ र २०२२ मा यस्तै विधेयक (HR-6, Build Back Better) हाउसबाट पारित भएको थिए तर सिनेटमा  मा प्रस्तुत हुन सकेको थिएन ।

हाउसले पास गरेर सिनेटले पास गरेन भनेपनि यो विधेयकले कानूनको रुप लिन सक्दैन । यो विधेयकमा रिपब्लिकनहरु उदार छैनन ।