एनआरएनए अमेरिकाका उपाध्यक्ष सुमन थापा बाल्टिमोर काउण्टिबाट सम्मानित हुनुभएको छ । अमेरिकन नेपाली समुदायमा पुर्याएको सामाजिक योगदानको कदर स्वरुप सम्मान गरिएको सम्मान पत्रमा उल्लेख छ ।

'रूप स्मृति र साथी कप २०२२' को समापन समारोहमा उपाध्यक्ष थापालाई बाल्टिमोर काउन्टी एक्जुकेटिभ Johnny Olszewski Jr. बाट सम्मान पत्र प्रदान गरिएको हो ।

साथै काउण्टि एक्जुकेटिभको कार्यालयले उहासंगै गैर आवासीय नेपाली संघ, राष्ट्रिय समन्वय परिषद अमेरिका, अध्यक्ष वुद्धि सुवेदी, बरिष्ठ कृष्णजीवि पन्थ, उपाध्यक्ष डिलु पराजुली र मेरिल्याण्ड च्याप्टरलाई साईटेशन प्रदान गरेको थियो ।

मेरिल्याण्ड राज्यको बाल्टिमोरमा सेप्टेम्बर ५ मा उक्त सम्मान प्रदान गरिएको हो ।

एनआरएनए अमेरिका र मेरिल्याण्ड च्याप्टरले गरेको सामाजिक कामलाई प्रशंसा स्वरुप उक्त सम्मान पत्र प्रदान  गरिएको बुझिएको छ ।