बाल्टिमोर, अमेरिका
अमेरिकाको भर्जिनियामा हुने दशैं महोत्सवमा नेपालका चर्चित कलाकारहरु निमा रुम्बा र एड्रिन प्रधान आउने भएको आयोजकले जनाएका छन ।
"कार्यक्रममा स्थानीय अरु कलाकार पनि हुनेछन । तर मुख्य आकर्षणका रुपमा निमा रुम्बा र एड्रिन प्रधानलाई प्रस्तुत गर्ने छौं ।" आयोजक संस्थाका एक सदस्य आशिष संग्रौलाले बताए ।
दशैंको ठिक अगाडि हुने यो महोत्सवमा दशैका लागि आवश्यक सबै सपिंग र रमाईलो गर्न पाईने गरी व्यबस्थापन गरिएको अर्का सदस्य सुबोध रेग्मीले जानकारी दिए ।
"कार्यक्रम भव्य र सभ्य बनाउन हामी अति नै व्यस्त छौं । सबैको उपस्थितीको लागि अनुरोध पनि गर्दछौं ।" टाईटल स्पोन्सर समेत रहेका व्यवसायी र यो कार्यक्रमका आयोजक मध्येका एक सुरेश सापकोटाले भने ।
कार्यक्रममा हजारौं दर्शक आउने अनुमान गरिएको छ ।