अमेरिका ,नोभेम्वर ९- आयोवा राज्यको क्वाड शहरले  फेरि अर्को धमका मच्चाएको छ। समता ग्लोवल सिनेट मार्फत समता  स्कुललाइ सहयोगार्थ राखिएको  meet and greet कार्यक्रम मार्फत १७ जना समता सेनेट बन्नु भएको छ । उक्त कार्यक्रम आयोवाका स्थानीय समाजसेवी राधेस पंडितको निवासमा संपन्न भएको थियो ।

समता स्कुलको सामान्य जानकारी पछि १ घन्टा भित्रै  सहभागी मध्ये १७ जना “समता सेनेटर” बनेका  थिए भने नोभम्बर ६ गते शिकागोको कार्यक्रममा थप ७ जना सहित २४ जना समता सेनेटर बन्न सफल भएका छन् । ७०/७५ परिवार बसोबास गर्ने उक्त क्वाड सिटिबाट  पनि १७ जना सेनेटर बन्नु राम्रो उपस्थिति मानिएको छ ।

  यस्तै उक्त सदस्य मध्य एक परिवारले ५ वर्ष भित्रमा १०,००० डलर, अर्को परिवारले आजीवन सदस्यका रुपमा प्रत्येक  वर्ष १००० डलर र अर्को एक परिवारले आजीवन महिनाको १०० डलरका दरले यो स्कुललाई सहयोग गर्ने वाचा पनि सोहि Meet & Greet कार्यक्रममा भएको गरिएको छ।

सोहि विध्यालयको सहयोगार्थ हालै अमेरिकाको भ्रमणमा रहनुभएका स्कुलका संरक्षकद्वय मह जोडी , स्कुल संस्थापक उत्तम संजेल , समता ग्लोबल सिनेटका परिकल्पनाकार डा उत्तम गौली, आचार्य पत्नि रमिला आचार्य सहितको टोलिलाई  क्वाड सिटिजमा पारिवारिक माहोलमा स्वागत गरिएको  संस्थाका संस्थापक सदस्य किरण बस्नेतले जानकारी दिनु भएको छ ।

उत्तम संजेलले सन् २००१ मा स्थापना गर्नु भएको समता स्कुलमा रु १०० प्रति महिनामा नर्सरी देखी मास्टर्स सम्म पढ्ने व्यवस्था छ । नेपाल र अन्य देशमा गरि हाल करिब ६० हजार विद्यार्थीले यो सुविधा पाएका छन्।

आज भन्दा पहिले पनि मातृभूमिलाई आवश्यक पर्दा यस क्वाड समाजले यस्तै खालका सहयोगहरु जुटाउंदै आएको छ। यस समाजले २०१५ सालको भूकम्पमा औषधि सहित १ लाख डलर, २०२१ मा महावीर पुनको आविष्कार केन्द्रलाई १६ हज्जार डलर र २०२२मा डा भगवान कोइरालाको नेतृत्वमा बन्न गइरहेको बाल अस्पतालको लागि १५ हज्जार डलर दिई सकेकोछ । अन्य सानातिना सहयोग पनि यस समाजले गर्दै आएको छ।

तपाइहरू पनि आजै समता सेनेटर बन्नु होस र नेपालको शिक्षा क्षेत्रलाइ सहयोग गर्नुहोस् । समता सेनेटर बन्न  $१००० डलर सहयोग गर्नु पर्छ भने सामान्य फर्म भर्नु पर्ने हुन्छ भने त्यसका लागि “
Samata global senate.org” मा दानु पर्ने हुनछ ।