टेक्सास। अमेरिकाको टेक्सास राज्यमा बसोबास गर्दै आएका सामाजिक अभियन्ता कृष्ण लामिछाने आफ्नै निवासमा मृत भेटिएका छन् ।
गैरआवासीय नेपाली संघ अमेरिकाको गत निर्वाचनमा अध्यक्ष पदमा उठेर पराजित भएका लामिछाने मंगलवार साँझपख आफ्नै घरमा मृत भेटिएका हुन् ।
गोर्खा नाम्जुङ घर भएका लामिछाने नेपाली जनसम्पर्क समितिका संस्थापक महासचिव थिए।
दुई छोरी र श्रीमतीका साथ बसोबास गर्दै आएका लामिछानेको मृत्युको कारण खुलेको छैन ।
उनी अमेरिकाबाट नेपाली काँग्रेसको १४ औं महाधिवेशन प्रतिनिधि समेत थिए ।
यसैगरी स्थानीय सामाजिक संस्था नेप्लिज सोसाईटी अफ टेक्सास (एनएसटी) का पूर्व अध्यक्ष समेत थिए ।
.png)
