डाक्टर रुद्र अर्याल अमेरिकाको न्यु ह्याम्सर राज्यको ज्याफ्री रिंज रोटरी क्लबको अध्यक्ष निर्वाचित भएका छन् । क्लबको सन् २०२४ -२०२५ को कार्यकालका लागि अर्याल निर्वाचित भएका हुन् ।

क्लबमा लामो समयदेखि सक्रिय रहदै सामाजिक सेवाका काममा सक्रिय भएकोले सदस्यहरुले अर्याललाई अध्यक्षमा चयन गरेको बुझिएको छ । क्लबको अध्यक्ष निर्वाचित हुंदा आफुलाई खुशी लागेको अर्यालले बताए ।

अमेरिकामा रहेका नेपालीहरु यहांको मूल प्रवाहमा समाहित हुनुपर्छ भन्ने मान्यता राख्ने अर्याल नेपाली संघसंस्थामा पनि उत्तिकै सक्रिय छन् । उनी एनआरएनए अमेरिकाका पूर्व सल्लाहकार तथा संरक्षक समेत हुन् । र हाल एनआरएनए आईसिसिको सिटिजनसीप कमिटीको मेम्बर हुन् ।

अर्यालले न्यु ह्याम्सरमा रहेको अमेरिका कै एक प्रतिष्ठित युनिभर्सिटी मानिएको फ्र्यांकलिगं पियर्स युनिभर्सिटीमा आठ बर्षदेखि भौतिक शास्त्रको प्राध्यापन गर्दै आएका छन् ।