एनआरएनए अमेरिकाको युथ कोअर्डिनेटर पदमा विक्की थापाले उमेद्वारी दिएका छन् ।
"यूवाहरुको सहि प्रतिनिधित्व मैले गर्दछु ।" बिक्कीले नेप्लिज डायस्पोरासंग भने । "मसंग जोश, जांगर र भिजन पनि छ ।" उनले भने ।
बिक्की थापा मेरिल्याण्डको बाल्टिमोरमा सक्रिय यूवा समाजसेवी हुन् । रियल स्टेट व्यबसायमा समेत रहेका बिक्की आफैमा विद्यार्थी पनि हुन् ।
मेरिल्याण्डको सक्रिय संस्था साथी बाल्टिमोरको स्थापना कालदेखि सक्रिय रहेर यूवा विद्यार्थी र यहांको समाजसंग घुलमिल भएका बिक्कीले अमेरिकाभरी नै साथी सर्कल बनाईसकेका छन् ।
मेरिल्याण्डमा विभिन्न संस्थाहरुले गर्ने खेल र खेलाडीका कार्यक्रमहरुमा स्वयंसेवा गर्नेमा बिक्की कै नाम अग्रपंक्तिमा आउंछ ।
नेपाली समुदायले गर्ने सामाजिक कार्यक्रममा उनको सधै सक्रिय सहभागिता रहने गरेको छ । उनले नेपालबाट विभिन्न मुभीहरु ल्याएर अमेरिकाभरी देखाउने एभरेष्ट ईन्टरटेन्मेन्ट समूहमा रहेर पनि नेपाली कला र संस्कृतीका लागि महत्वपूर्ण योगदान दिएको यहांका कलाकारहरु बताउंछन् ।
यूवा जोश र जांगरले भरीएका बिक्कीले एनआरएनए अमेरिकाका विभिन्न कार्यक्रममा पदमा नरहेर पनि सक्रिए भएका व्यक्ति हुन् । उनको उमेद्वारीले अमेरिकाभरीका यूवा विद्यार्थी र एनआरएनए अभियन्ताहरुमा खुशीको संचार भएको छ ।
