रोशनबहादुर सिंह
अमेरिका
अमेरिकाको मेरिल्याण्डमा रहेको सुदुरपश्चिम समाजले आफ्नो मौलिक गौरा पर्वलाई बिशेष रुपमा मनाउने भएको छ । आइतबार हुने यो कार्यक्रममा समाजले विभिन्न नाचगानका साथ कलाकारलाई पनि बोलाउने तयारी गरेको छ । सुदुरपश्चिमको विशेष चाँड बानिने यो पर्वका अवसरमा समाजले डेउडाको पनि आयोजना गर्ने भएको छ ।
सुदुरपश्चिम समाज मेरिल्याण्डका अध्यक्ष दमनविक्रम शाहको अगुवाईमा यो कार्यक्रमको आयोजना हुन लागेको हो । कार्यक्रमलाई सफलरुपमा सम्पन्न गर्नका लागि समाजले विभिन्न कमिटीहरु बनाएको छ । जसमा समाजका सक्रिय ब्यत्तिहरुलाई संलग्न गरेको छ ।
यो समाजले गौरा पर्वलाई पछिल्लो केहि समयदेखि गर्दै आएको छ । नेपालको सुदुरपश्चिमका नौं वटा जिल्लाबाट आएर अमेरिकाको मेरिल्याण्डमा बस्दै आएकाहरुका लागि यो पर्व सबैसँग भेट्ने अवसरका रुपमा पनि लिइएको छ ।
सुदुरपश्चिमको कला, संस्कृती, भेषभुषा र खानपान झल्किने तरिकाले यो पटकको गौरा पर्वको आयोजना हुन लागेको हो । जसका लागि समाजले करिव एक महिना अगाडी देखि नै तयारी सुरु गरेको थियो ।
कार्यक्रमलाई सफल बनाउनका लागि ६ वटा कमितीहरु बनाइएको छ । जसमा ५० भन्दा बढि सदस्यहरु सहभागि गराइएको छ । कार्यक्रममा केहि बिशेष अथितीको उपस्थिती हुने बताइएको छ ।
कार्यक्रम आइतबार दिउसो १२ बजेबाट सुरु भएर साँझ सात बजे सकिने बताइएको छ । यो कार्यक्रमको ब्यवस्थापन समितीको संयोजक भीम बिके रहेका छन । कार्यक्रम फल्स रोड टिमोनियममा हुने बताइएको छ ।
.png)
